Sfuei Mensîl Furlan Indipendent
Archivi de Patrie

IV Premi Baston di Sant Pieri di Cjargne

Marta Vezzi
Baston di Sant Pieri di Cjargne

Ai 6 di Avost, te Plêf Mari di Zui si è tignude la cerimonie dal Premi Baston di Sant Pieri di Cjargne. Il ricognossiment, rivât ae cuarte edizion, al è volût e promovût de Arciconfraternite dal Spirtussant “Pieres vives” di Sant Pieri. E je la ocasion par dâ ricognossiment public a singui o a grups di personis che si son metudis in lûs pal lôr impegn spirituâl, culturâl e artistic, sociâl e umanitari, ispirât a valôrs cristians, al servizi de societât umane e de comunitât cjargnele in particolâr.
◆ La sielte dai premiâts e ven fate di une jurie che e staze lis candidaturis che ducj a puedin presentâ.
Ai premiâts ur ven consegnât il Baston di Sant Pieri: la figure dal sant intaiade tal len suntun baston cuviert di vilût di colôr zâl pal cjamp spirituâl, blu par chel culturâl e ros par chel sociâl, e une pergamene scrite a man cu la motivazion personâl de assegnazion.
Il Baston di Sant Pieri al è il simbul di un cjaminâ sul troi dal Vanzeli e dal progrès spirituâl e civîl de umanitât.
◆ Chest an i premiâts a son stâts:
– tal cjamp spirituâl pre Pierluigi Di Piazza (premi in memorie) “Vint simpri tant che pont di riferiment il Vanzeli, al à dedicade la sô vite a semenâ la culture de pâs, de no violence e de solidarietât, elements che tal Centri di Çuian, che lui al à fondât, a àn cjatât la espression massime, deventant sotet par imigrâts, dispatriâts e rifugjâts politics, e cjase vierte par iniziativis culturâls cence confins”;
– tal cjamp culturâl il professôr Gilberto Ganzer “Une grande passion pal mont de art e de culture che e à cjatât mût di pandisi te sô ativitât professionâl, tal meti in vore mostris e cunvignis peadis ae storie dal Friûl, dulà che nol à mancjât di meti in lûs personaçs e elements artistics di valôr de nestre tiere”;
– tal cjamp sociâl e umanitari la dotore Nives Baldacconi “E à insedât te sô vite il spirt di chel che al è stât il so lavôr di infermiere, puartant professionalitât, umanitât, jutori e solidarietât in Italie e tal forest, dulà che patiments e cundizions sociâls a domandin une presince”.
◆ Un pinsîr al va ancje ai premiâts des edizions precedentis: Bons. Tito Solari, Giovanni Canciani e Marta Francescatto (1e edizion); Sûr Maria Luisa Candotti, Marco Marra e Paolo Agostinis (2e edizion); pre Davide Larice, Novella Del Fabbro e Antonio Simonetti (3e edizion): ducj oms e feminis che cul lôr impegn a àn puartât alc in plui a cheste tiere di Cjargne.
◆ Il premi si da fûr ogni doi agns. Cui che al vûl (tant personis che ents o associazions) al pues mandâ la propueste cuntun piçul curriculum de persone candidade dentri dai 31 di Dicembar dal an prime de edizion (te sede de Polse di Cougnes intal Comun di Zui). ❚

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +