Une volte a Gurize te Diete provinciâl si fevelavin cence fastidis talian, todesc, sloven e furlan e i intervents dai conseîrs a jerin notâts dai segretaris inte lôr lenghe mari. A marcjât, se un contadin al voleve vendi, al scugnive savê chês cuatri lenghis, se no lis sôs ortaiis a restavin sul banc. I miedis a scugnivin savê dutis chês fevelis par dâ lis curis justis ai lôr malâts. E i predis a vignivin fûr dal ’Seminari di Gurize cussients che par predicjâ la peraule dal Signôr a vevin di cognossile in plui lenghis.
◆ E cumò? Ce isal sucedût a chê citât model di diversitât e di convivence? La situazion no je plui cussì di un pieç, stant che tal ultin secul il berdei dal confin al è stât un limit penç ae concezion de impuartance de multiculturalitât dal Friûl orientâl. Ma che il prejudizi antifurlan al fos tant fuart di sburtâ fintremai a no rispietâ la leç de Republiche taliane che e tutele la nestre marilenghe, cheste e je une robe pardabon grivie e che no pues jessi tolerade. Il fat che al fâs discuti al è pardabon un scandul: in consei comunâl a Gurize e je stade di fat dineade a un membri de assemblee la facoltât di fevelâ par furlan. Cuant che il conseîr Franco Zotti al à tacât a pandi il so pinsîr in marilenghe, il president dal consei Luca Cagliari lu à fermât domandantji di esprimisi par talian. I dirits linguistics a àn di jessi garantîts e chest al è pacjific pe minorance slovene: parcè no puedial jessi cussì ancje pai furlans? La reson “regolamentâr” che e je stade doprade par dâ cont di chest abûs no à nissun mani, stant che il Comun di Gurize al fâs part dai Comuns zonizâts tant che furlanofons in aplicazion de leç 482/99. Cui aial decidude la delimitazion des zonis alì che e je previodude la tutele dal furlan? Propit i conseis comunâi, aprovant tal 2001 la delibare di adesion che la Regjon e à cjapât tant che riferiment par sigurâ a dutis lis comunitâts la pussibilitât di tutelâ lis lenghis che a fevelin. Il consei comunâl di Gurize al va cuintri no dome de leç, ma ancje cuintri dal so stes volê di 20 agns indaûr. O si gjave de zone di tutele, o al apliche la leç 482, che adun cu la leç regjonâl di valorizazion e di promozion de lenghe furlane (29/2007), e previôt che in chescj teritoris i conseîrs comunâi a àn il dirit di fevelâ par furlan tes assembleis. Ma no si pues fâ lis robis cun arbitri: lis istituzions a meritin rispiet, cussì come i dirits des personis. ❚
Redazion
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Dree Venier
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
La tiere e la grepie / 2022: An internazionâl de pescje artesanâl e de acuiculture
Adriano Del Fabro – diretôr dal bimestrâl “SoleVerde”
Par une economie blu simpri plui sostignibile Lis Nazions Unidis a àn declarât il 2022 “An internazionâl de pescje artesanâl e de acuiculture” (Iyafa 2022), rimetint ae Fao il coordenament des ativitâts di sensibilizazion sul teme.◆ Il pes, i moluscs, i crustacis e lis alighis a son part ad implen des dietis, des ereditâts culturâls […] lei di plui +
Int di Cjargne / La sporte de spese a km zero a ‘La Polse’ di Chiara e Matteo
Marta Vezzi
Di cualchi dì al è stât screât un gnûf servizi intal spaç e ristorant di Chiara e Matteo “La Polse di Cougnes” a Zui, indulà che si pues cumò cjatâ e comprâ prodots locâi. “La idee e je nassude pal fat che za nô intal ristorant o doprìn avonde materiis primis dal teritori – e […] lei di plui +
Il numar in edicule / Jugn 2022
Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +