Sfuei Mensîl Furlan Indipendent
Archivi de Patrie

#gnovePatrie la presentazion dal gnûf progjet grafic in direte ‘twitter’

............

Twitter, hastag, follower… peraulis inglesis che aromai a son daûr a jentrâ tal fevelâ comun. Ma lin par ordin. Di cualchi mês (cul solit ritart che al caraterize lis novitâts tecnologjichis) ancje in Friûl e je rivade la mode di Twitter (www.twitter.com) , ven a stâi, il social network dal ucielut (“to twit” al significhe “vuitâ”, che al è il cjatâ dai ucieluts). Si trate di un sisteme di comunicazion che al à une regule une vore precise: 140 caratar a disposizion par esprimi un pinsîr di condividi cui tiei followers… “Follow…ce?”, “Follower!”, ven a stâi lis personis che a decidin di tignîti di voli e di lei ce che tu scrivis.
E scrivint a son diviers trucs che a judin a seguî un argoment: il princip di chescj trucs al è “l’hastag”, ven a stâi une “peraule clâf”, une “etichete” che e ven precedude di chest simbul “#”, il cancelut.
Cun chest sisteme, i argoments a son ordenâts in maniere di podê cjatâju cun plui facilitât e par esempli rivâ a lei dut ce che si scrîf in cont di chest o chel altri argoment: baste cirî “l’hastag” che al interesse.
E cumò che o savês ce che al è, us consei di cirî l’hastag “#gnovePatrie”, screât dal nestri Oscar Puntel (su Twitter al è @oscarpuntel) che al à fat il “live blogging”, ven a stâi la cronache in timp reâl de presentazion de gnove vieste da La Patrie dal Friûl, par cui che, come me blocât a cjase cu la fiere, nol podeve jessi li dal Visionario, ma le à vivude distès (cuasi) in prime persone.
A son di pôc passadis lis cinc di dopomisdì di sabide ai 23 di Fevrâr e @oscarpuntel al scomence il LiveBlogging #gnovePatrie:
#honsell “guai perdere il friulano”. Ae presentazion de #gnovePatriecun @mr_Drii e @romanini77
#honsell #gnovePatrie deve essere presente in tutte le scuole e le biblioteche, esempio di qualità e di buon giornalismo
#fontanini: furlan nestre lenghe e nestre di identitât” #gnovePatrieimprest plui grintôs par sticâ il popul
#gnovePatrie vicario di @uniud al puarte il salût: “maestris a peton a domandin la formazion par insegnâ marilenghe
@claudioviolino se furlan al e valôr dovin dâj i imprescj par fâlu cressi #gnovePatrie che e vedi tante fortune!
#cisl sempre appoggiato furlan a scuola , al contrario di altri sindacati. Muradore di #cislfvg ae #gnovePatrie
#gnovePatrie a sarà in blanc e neri; sul stampon di chê dal 1946. Annuncio di @mr_Drii
#gnovePatrie arrivato presidente odg Fvg villotta
Al è un gjornâl ma è je la patrie! Alc di plui de lenghe e che la lenghe e mostre #corgnali ae #gnovePatrie
Dut il lavôr fat cun baracêt pôc valorozzât. I furlans no lu cognossin. Cussi mons corgnali #gnovePatrie
A Rome vevi nostalgje dal furlan, ma la pierdevi. Tornant dopo l orcolat lu ai tornât a imparâ par fâ lis assembleis #gnovePatriecorgnali
Cuant che un al é sorestan al pense dome ai sorestans. È al piert il contat cul popul . Mons. Corgnali ae #gnovePatrie
#gnovePatrie @mr_Drii valcic e corgnali
#gnovePatrie biele parcé che è je nete! chi tu âs di resonâ. Chi no si pues platâsi deûr de immagjinis”. corgnali
@romanini77 il liveblogging al finis a chi o stoi finint la pile dal iPhone #gnovePatrie
#gnovePatrie obiettivo 500 abbonati, cussi il diretôr valcic
Ve chi la #gnovePatrie
✒ Christian Romanini
( @romanini77)

L’EDITORIÂL / Jù lis mans dal Tiliment

Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +

(L)Int Autonomiste / Cui aial pôre de “Cuistion furlane”?

Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +

L’EDITORIÂL / La “bufule meloniane” e la autonomie inte glacere

Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +

La anteprime / Cors di furlan par gjornaliscj: consegnâts i atestâts

Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +