Il 3 DI AVRÎL, la Fieste de Patrie 2020, chest an no pues jessi celebrade in place. Dut câs, cheste e je la ocasion par colorâ il Friûl (e la rêt) di zâl e di blu. #stinacjase ma metìn #fûrlabandiere!
La “Patrie dal Friûl”, in colaborazion cu la ARLeF, cul Istitût Ladin Furlan Pre Checo Placerean, cul grup A chi, si scrîf e si rît NOME par furlan e par cjargnel!!! e cul Messaggero Veneto us invide a picjâ fûr dal barcon la nestre acuile. MANDAIT LIS VUESTRIS FOTOS CU LA BANDIERE – sul barcon/terace, metude intor o in cualsisei altre maniere che us plasi – a info@sportelfurlan.eu, scrivint non e lûc. A saran publicadis sul sît de ARLeF e sul Messaggero, ma soredut nus judaran a jessi comunitât ancje in chest moment dificil.
Come che al diseve pre Checo, “No steit a ve pôre di vê coragjo!”. ❚
