“El poder del poble”, la int de Catalogne che si da dongje intai CDR

Il so titul al è “El poder del poble. L’autoorganització veïnal dels CDR” e al è libri just par cui che al à voie di provâ a lei alc di sagjistiche par catalan e al vûl savê alc di plui in cont di un aspiet specific dal procès di autodeterminazion de Catalogne.
◆ Il volum, che al jere stât presentât a Udin inte suaze de edizion dal 2019 dal festival Suns Europe, al da cont in maniere documentade des peculiaritâts dai Comitâts di Difese de Republiche (i innomenâts CDR), che probabilmentri a son la forme di mobilitazion e di organizazion plui interessante che e je saltade fûr dopo dal referendum dal prin di Otubar dal 2017.
◆ Xavier Milian, gjornalist, storic e ativist politic de CUP – la fuarce de çampe alternative indipendentiste – al presente lis origjins, lis ativitâts e lis prospetivis di chest model di autoorganizazion dal bas, marcant cemût che a son un sogjet plurâl, inlidrisât a nivel locâl e di caratar assembleari, là che a cjatin spazi di espression e di partecipazion miârs e miârs di personis che a àn sensibilitâts politichis diferentis ma a spartissin ideis e rivendicazions di fonde in cont de justizie sociâl, dal autoguvier teritoriâl e de democrazie sostanziâl.urlane che e ten dûr e che no si rint. ❚