Ai 7 di Zenâr, al ospedâl di Glemone, al è muart Albert Di Cjaurià/Alberto Di Caporiacco a 57 agns par vie di un brut mâl che al à frontât cul so solit snait, ma che lu à batût.
Al jere nassût a Udin, maridât cun dôs fiis, fi di Gino di Caporiacco, storic e autonomist furlan, un dai prins conseîrs regjonâi dal Moviment Friûl (1968-1973).
Elet conseîr comunâl MF a Udin (1990-1995) e par un periodo assessôr a la culture. Al à regalât adun cul pari Gino lis primis tabelis bilengâls metudis su lis jentradis di Udin. Al è stât elet conseîr provinciâl di Udin cun Leghe Friûl.
Za funzionari de Cort dai Conts, iscrit al Ordin dai gjornaliscj dal 1977, autôr di studis e saçs di storie dal Friûl, in particolâr de emigrazion.
Cultôr di dirit eletorâl, al è stât protagonist di plui di un ricors al Tar e al Consei di Stât: al jere, cun di fat, personaç di caratar fuart e figure plui dispes divisive che conciliante.
Par sô volontât no saran fats anunzis e nancje epigrafis. No sarà nissune cerimonie e di Cjaurià al sarà brusât. ❚ ✒D. V.
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +