Sfuei Mensîl Furlan Indipendent
Archivi de Patrie

CULTURE – LA FABRICHE DAI… LIBRIS. Antoni Beline, Pre Checo Placerean, Notis par une biografie, Udin 1997

............

Pre Checo Placerean al è muart za fa vincjecinc agns. Cui che lu à cognossût no lu dismentee, cui che no lo à cognossût al pues fâsi une idee de persone, dal predi, dal inteletuâl cun chest libri che tal 2009 la Provincie di Udin, il Comun di Montenârs e la Lithostampe di Pasian di Prât a àn ri-editât. No son altris manieris, dal moment che pre Checo al à lassât scrit pôc e nuie, al jere un om di grande comunicative cu la peraule, ma nol rivave, nol jere intes sôs cuardis chê di puartâle in scrit.
No une biografie, ma notis. Notis che a piturin un om in dute la sô complessitât. dal nassi a la muart. Il libri al è struturât su lis oris dal breviari, madins (la nassite, la infanzie), tierce (la formazion), seste (il misdì de vite, cu la plene des fuarcis e de ativitât), none (il moment dal dolôr, des polemichis e de malatie) complete (la muart e ce che al reste di lui tant che testemonenance). E ogni cjapitul al à tant che titul une citazion de Biblie.
La Biblie! Il grant sium di pre Checo. Al sperave di rivâ a novantedoi agns come che e jere rivade sô none, par podê viodi puartade insom la sô opare. O savìn che no je lade cussì: pre Checo al è muart di sessantesîs agns e, cun di plui, i ultins cuatri a son stâts masse dificii par lassâlu lavorâ cun calme e concentrazion.
Cun dut a chel, al è rivât a lassâ il segn inte storie dal Friûl, un segn di chei che a restin plantâts in dentri. Oltri che l’inviament de traduzion de Biblie e la stesse traduzion di cualchi libri (Salms, Isaie, Gjeremie…) no son di dismenteâ la lote pe Universitât furlane (scandul grant intal 1966, cuant che un predi al è in place parie cui zovins che a domandin a vôs alte la facoltât di midisine a Udin…), la fondazion dal Moviment Friûl intal 1966, il document de Assemblee dai predis dal 1975, là che si proclamave la necessitât che la Glesie e stedi cul popul (une sorte di teologjie de liberazion) e la fin de colateralitât cu la Democrazie Cristiane (pre Checo al jere anti-comunist, ma ancje anti-democristian).
Om sclet e diret, al diseve simpri ce che al pensave e nol veve nissun complès di inferioritât e nissune pôre di cjantâlis claris, come cuant che al de dal meleducât al pape, becantsi ancje une denunzie. Ma se il pape, vignût in Friûl, al veve saludâts ducj: zingars, todescs, slovens, ma no i furlans, par lui al jere un maleducât.
“Crist, se al ves di tornâ a incjarnâsi vuê, nol si fasarès ebreu, ma furlan”.
Ideis, se si vûl, discutibilis, ma mai banâls. Che no je robe di pôc.
Laurin Zuan Nardin

Int di Cjargne / Magjie a Cjarsovalas

Marta Vezzi
Un dai lûcs dai Pagans in Cjargne Cjarsovalas, il paisut dai Pagans, al è sore Val e Rualp, frazions dal Comun di Darte, a 1.350 metris sul nivel dal mâr. “Al è un dai lûcs indulà che o puarti di plui la int – e conte Fides Banelli, mestre in pension che a fâs ancje […] lei di plui +

L’Editoriâl / Cuant vignaraie la “adunade” dai furlans?

Walter Tomada
Tropis vitis aial il Friûl? Al sarès biel se a’ndi ves siet, come i gjats: o cetantis di plui, come i protagoniscj di tancj videozûcs che ur plasin ai nestris fantats. Magari cussì no, dut câs, un popul nol è mai bon di vivi dôs voltis: se i tocje disparî, al sarà par simpri. Se […] lei di plui +

Festival di Poesie Alpine / Autôrs di Ladinie, Grisons e Friûl a confront

Gabriele Zanello
Tal incuintri di Bressanon ancje lis vôs di Gigi Maieron, Nelvia Di Monte, Gianluca Franco, Francesco Indrigo, Luigina Lorenzini e Antonella Sbuelz Tra lis comunitâts furlane, ladine e rumance a esistin relazions identitariis e culturâls une vore antighis, che massime tai agns Setante e Otante a àn vût un moment di gnove sfloridure ancje sul […] lei di plui +