Si fevele in chest numar di poesie ancje pal fat che un nestri amì dal Friûl, Pierluigi Cappello, al à cjapât il premi Viareggio. La Patrie e vûl omagjâlu ancje in cheste rubriche che nus ten peâts a pre Antoni.
Beline nol à scrit in maniere specifiche di poesie, ma di plui bandis al à dit che cence poesie no si pues vivi; cence il voli atent e sensibil dal poete che al scrutine indentri la realtât, che al stice sensazion, emozions, sfumaduris impercetibilis a la pluralitât, la umanitât e sarès plui puare; cence estetiche, cence la art ducj nô o saressin plui scridelîts te anime e tal spirt. O proponìn duncje cualchi fruçon gjavât ca e là de Trilogjie tormentade.
pre Roman Michelotti
LA TECNOLOGJIE NO À DI COPÂ L’ART
Ai timps di Wilde e inte sô tiere la rivoluzion industriâl no veve fat ce che e à fat dopo, inte acelerazion straordenarie di chest secul, ancje se e jere infinitementri plui indenant di chi di nô. E pûr, a pene metût pît in Americhe, al à intuît che la tragjedie di chest grant paîs e sarès stade propit la sô grandece industriâl e economiche, parcè che e varès privilegjade la dimension matereâl o materealistiche sun chê spirtuâl e artistiche e i varès copade la sensibilitât e l’anime. Romantic come che al jere, al capive che l’om nol pues vivi cence fantasiis, cence siums, cence un mont inmagjinari, cence bielece, cence art, cence poesie, cence une ponte di ingjenuitât. Parafrasant il Vanzeli, al varès dit che «l’om nol vîf dome di tecniche ma ancje di ogni peraule e produzion che e ven fûr de sô sensibilitât artistiche e de sô fantasie». No si pues fevelâ di progrès se la machine e cjape sot l’om e la tecniche e sterilize il cûr. Une robe che vuê le sintìn e le capìn in maniere dramatiche. …
LA CULTURE E JE SIMPRI NOBILE
O sai che l’om inteligjent e curiôs al rive a passâ cun liberalitât e facilitât de leterature plui blasonade a chê plui sclete, convint che no esist une culture nobile e une ignobile, parcè che la culture e je simpri nobile come che la ignorance e je simpri ignobile. Ma chescj resonaments, che a somein scontâts, no jentrin par nuie intai compuartaments normâi de intelighentsia taliane e ancje furlane, simpri pronte a bandonâ il mancul pal plui. Là che il mancul al è chel che al da mancul pussibilitâts di public e di cariere. E i inteletuâi di riunde furlane dificilmentri a àn savût resisti a lis sirenis che a cjantavin tal mâr plui larc e a àn stralozât cun armis e bagais dai gravârs dal Tiliment ai pantans dal Arno o, miei, dal Tevere, che al sfilie il Palaç di plui dongje.
ANCJE IL RESTÂ FURLANS E JE UNE SIELTE
Mi permet un ricuart personâl. Seben che no soi un inteletuâl di prime cualitât, no pues dineâ di vê rivât a fâmi un cert non fra i scritôrs nostrans, judât salacor de pocje fole dai contendents. Poben plui di une volte mi è stât dât il consei, ni cirût ni condividût, di bandonâ la lenghe furlane parcè che no dà pussibilitât di sboc. Come se la culture e ves di jessi in funzion de cariere.
Mi visi ancje de impression orende che al à fate pari Turoldo a Aquilee te grande celebrazion dai 11 di Lui dal 1976 pes vitimis dal taramot, cuant che si è scusât di no podê fevelâ par furlan parcè che al veve di dî robis »masse impuartantis».
Cemût aial vivût Pasolini il so amôr pe culture-mari peade a la realtât contadine e i aprofondiments filologjics de culture umanistiche che i cjapavin simpri plui e il timp e il cûr? Aial rivât a mantignî un ecuilibri no facil o la seconde i àie cjapade la volte a la prime, come che la periferie di Rome i veve cjapade la volte a la periferie culturâl furlane? Cemût mai che, dopo de primevere curte de Academiuta, i scrits par furlan a son sparîts e intes letaris si respire un contest culturâl che nol à plui nuie di »locâl»?
No soi in grât di dâ une rispueste. Mi sint in dirit però di fâmi e di fâ la domande….
PRE ANTONI BELINE
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +