Sfuei Mensîl Furlan Indipendent
Archivi de Patrie

CULTURE – Gnove serie par «Sgarfefurlans»

............

A metât otubar al è partît il grup di Sgarfefurlans, il program radiofonic che al à chê di intervistâ emigrâts furlans o i lôr dissendents, lant a cjatâju propit intai paîs là che a vivin cumò, e di fâ sintî la lôr vôs, par mieç de radio e des gnovis tecnologjiis. Loris Vescovo, cognossût ancje pe sô ativitât di cjantautôr e il videomaker Marco D’Agostini a àn scomençât un lunc viaç in machine par Slovachie, Ucraine, Romanie e Ongjarie. La prime edizion dal program e je stade fate sul finî dal 2007 cun intervistis a emigrâts furlans che a vivin e a lavorin in Australie, Gnove Zelande, Thailande e Cine. Lis trasmissions, in onde vie pal Istât dal 2008, si lis cjate inmò su la rêt alì dai sîts www.friulicollinare.it e www.ondefurlane.eu . Sgarfefurlans intal 2008 al è stât metût dentri de UNESCO te liste dai progjets dal an internazionâl des lenghis, inte sezion su “multilinguisim e rêts internazionâls”.
(Onde Furlane/LPdF)

Ultime ore / Cungjò, Omar

Redazion
La redazion de La Patrie dal Friûl e pant il so corot pe pierdite di Omar Monestier. Un om e un professionist esemplâr che ae direzion dal Messaggero Veneto e de Il Piccolo al à simpri mostrât grande sensibilitât e atenzion ancje pal nestri gjornâl e pe comugne dai nestris letôrs. Nus mancjaran la profonditât, […] lei di plui +

L’EDITORIÂL / La multiculturalitât e valorize il grant e il piçul

Zuan Marc Sartôr
Belle époque. Un student di Gurize al viaze cul tren dilunc la Südbahn (la Ferade Meridionâl, di Viene a Triest). Al torne a cjase dopo agns di studi inte universitât de capitâl imperiâl. Al à frecuentât la preseade facoltât di fisiche, là che si davuelzin lis prestigjosis lezions dal professôr Jožef Štefan, il famôs fisic […] lei di plui +

L’EDITORIÂL / LA PATRIE DAL FRIÛL AL SALON DAL LIBRI DI TURIN

Walter Tomada
Dai 19 ai 23 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +

L'editoriâl / Macroregjons, une oportunitât di racuei

Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +