CUATRI RIDADIS. Il tacagn e il miedi

Un tacagn al veve bisugne di fâsi visitâ di un miedi. Intant che al spietave te anticjamare al viôt un avîs che al dîs: “Prime visite trente mil francs, la seconde la metât”.
Al jere la prime volte che al lave di chel miedi e alore al studie il truc par sparagnâ un franc.
Cuant che e ven la sô volte, al jentre e al dîs: «Ve che o soi di gnûf achì jo, siôr dotôr!»
Chel lu fâs disvistî, lu visite come che Diu al comande e po i dîs: « O podês lâ.»
«Ma cemût» si smaravee chel altri «no mi daial nissune medisine?»
«Ah, par chel» al dîs il miedi «continuait la cure che us ai dade chê altre volte!» ❚