Sfuei Mensîl Furlan Indipendent
Archivi de Patrie

COGNONS DAL FRIÛL

............

Midiant de storie dai cognons furlans, si fâs ancje la storie dal nestri Friûl. Chest mês us proponìn 5 cognons che nus son stâts domandâts dai letôrs su la pagjine Facebook de La Patrie dal Friûl
(gjavâts fûr di I cognomi del Friuli di Enos Costantini e Giovanni Fantini ed. La Bassa/LithoStampa. O ringraciìn i autôrs pe disponibilitât e pe colaborazion).

BIRARDA

Feminin di Berardo, non gjermanic documentât vie pe Italie za tal an 882.

Cognon carateristic di Cjaurià, tal comun di Colorêt di Montalban.

1556, 20 luglio Simone Berrarde di di Dom. de Pozzalis – teste in causa per pascolo abusivo; 1575, 9 aprile Bernardino Berarda q. Dom. da Pozzalis – a nome comune vende £ 11 lo sfalcio della Pozzolana; 1604, 23 novembre Birarda Pietro q. Dom. da Pozzalis debitore di lire 47.14 a Sig. Val. Pacifico San Daniele.

DORIGO

E je la italianizazion, o miôr, la venetizazion di Durì, forme furlane dal non Odorico.

Il non di persone Durigo si cjatilu a Maran za ae fin dal XII secul.

1465 Domene de Durigo de Flum debitore di S.ta Maria dell’Ospitale di Pordenone; 1619 Martino di Lorenzo q. Martino q. Agnolo q. Biasio Dorigo di Monaio sposa Zuanina di Zuane Brunano pure di Monaio.

Si cjate chest cognon a Polcenic, Cjaurlis e in Cjargne, dulà che al è tipic, ma ancje a Udin, Pordenon, Cordovât, Sacîl, Sante Marie, Manzan, Pradaman, Pavie, Dartigne, Glemone, S. Denêl, Cjasteons, Rivignan.

FANT

Par furlan fant al à plui significâts: famei, mes dal magjistrât, ussîr municipâl. Par talian, di là di “soldât di fantarie” al vûl dî ancje “servidôr” e “om di estrazion puare”.

Chest cognon si cjatilu soredut a Cuals di Reane.

1321, 25 dic, Nicolò q. Fant de Glemona abit. presso ch. S. Antonio volendo andare a S. Giacomo di Compostella veste i suoi beni alla sorella se si sposerà consenso f.lli – se no alla madre in vita e poi ai f.lli; 1408, 27 maggio m.° Giac. sarto q. Fant di Tarcento fa pegnorare Pietro di Quals a cui aveva venduto un carro ferrato.

MORATTI/MORATTO

Al ven di “Moro” cul sufìs incressitîf o dispreseatîf -at.

Il non Moro al à evident significât di persone cu la piel scure o cui cjavei neris e al à dât il vie a une vore di cognons (Moro, Moretti/o, Morelli/o, Moretuzzo e vie indevant) e duncje al à une grandissime difusion.

La variant Moratti si cjatile a Basilian (Varian e Blessan), Monfalcon, Rivignan e Teôr, Cividât, Udin, Gurize, Tisane, S. Zorç di Noiâr.

1562, 28 genn. don Valerio de Morattis di Porcia offic. in Toppo; 1643 Sig. Giacomo Moratti cittad. e mercante Cividale; 1669 Sig. Simon Moratto è uno “de Li Dodici fratelli del Conseio” della Frtaerna di S. Antonio Abbate di Theor. !709, divisione tra Simone, Antonio, Dario, Carlo e Francesco Moratti nobili di Latisana.

par cure di Michela De Fazio

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +