Midiant de storie dai cognons furlans, si fâs ancje la storie dal nestri Friûl. Chest mês us proponìn i 5 cognons plui frecuents a Gurize cjalant l’elenc telefonic e presentâts par ordin dal plui presint.
(Gjavâts fûr di I cognomi del Friuli di Enos Costantini e Giovanni Fantini ed. La Bassa/LithoStampa. O ringraciìn i autôrs pe disponibilitât e pe colaborazion).
BRESSAN
Al vûl dî che al ven di Bresse di Cjampfuarmit o di Brescia in Lombardie, ma no stin a dismenteâsi Bressa di Tarzo (TV) che al è dongje dal Friûl. 1230 Bressanus calcificex a Glemone; 1375 Bressanus de Portusnaonis; 1710 Bressan don Stefano di Antonio da Gorizia Lucinico.
BREGANT
Al ven de peraule brigant che un timp nol veve dome che il significât di malvivent, ma ancje chel di om di mont o bon compagnon. Doprât in maniere familiâr o in confidence, al vâl tant che birbant, ligjere. 1275 Bregandus f. olim D. Bununi de Tolgano
VISINTIN O VISINTINI
Al vûl dî origjinari di Vicence, vicentin. Intal 1550 a Cjamplunc Baptistam Marci Vicentini. 1486 m°. Bartolomio Visintin ciroico in Udine.
GRUSOVIN
Si cjatilu a Gurize, ma ancje a Tarvis. Al podarès vignî fûr dal sloven Križ, che al podarès jessi un toponim (križ al sta par crôs) e cun da pît il sufìs -ov e -in.
CULOT
Al ven dal incressitîf dal non di persone Nicolau: (Ni)culot. A Gurize ae fin dal 1500 Culloti Barbara filia Nicolaj. 1801 Giovanni Culot (o Culotti) di S. Rocco-Gorizia.
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +