«Tancj di Darte no si son inmò inacuarts dal gno negozi» e conte Tania Cassutti che dal prin di Avrîl dal an passât e à viert Il fier di gugje. La idee di vierzi un negozi e je nassude tor la fin dal 2014 «o ai tacât a pensâ che e lave tant ben la marçarie de Mici, di agns aromai sierade. Ti mancje un fîl, un astic, tu scuegnis lâ a Tumieç, e alore mi soi dite ‘parcè no provâ?’, tignint cont ancje che di cuant che o ai vude la frute o soi restade cence lavôr e cence prospetivis. O vevi fat domandis di tantis bandis ma vuê al è un mont simpri plui dificil, chel dal lavôr. Cun di plui, mê agne e veve decidût di lâ in pension e di sierâ il so salon di pirucarie, e duncje o vevi ancje pronte la stanzie!»
Ma ce si cjatial in chest negozi? «Lane Mondial che achì in Cjargne di râr tu le cjatis, fîl par cusî, coton par feretâ, fiers di gucje e altris imprescj par feretâ… O ai un pocje di blancjarie intime. O cîr di tignî avonde articui che si puedin personalizâ cul pont in crôs e che ancje chescj no si cjatin facilmentri in zone (bavarins, suiemans, peçots di cusine e v.i.). Mi stoi specializant sul pont in crôs e di un pâr di mês o ai ricevût comissions di fâ cun chest pont. Dopo mi rangji a fâ ancje lavoruts di sartorie, tal limit dal pussibil: scurtâ bregons, cambiâ cernieris, strenzi, slargjâ.»
No je par nuie di rive jù la strade par tignî vierte une buteghe, anzit! «O disarès che achì a Darte e je pardabon dure: spes no je la rispueste de int dal puest e tantis voltis tu restis mâl parcè che tu lu fâs par dâ un servizi al paîs. Al è clâr che al è un negozi piçul e magari no si pues cjatâ propit dut ma jo o doi ancje la pussibilitât, se no ai une robe, di ordenâle. O voi su internet e l’ordin al è fat.
In chest mistîr, tu scuegnis vê un caratar une vore viert, jo o eri un grum sierade; dopo o ai lavorât tal supermarcjât achì a Darte e o ai cambiât une vore il caratar, stant a contat cu la int. E alore tu scuegnis ancje cirî di cjapâ la int benon e jessi pront se un client ti ven a domandâ conseis.»
Alore Tania si è ravoiade lis maniis, e à metût sot la schene e ancje se e je une resoniere e fin a pôc prin di vierzi il negozi no saveve cusî, e dimostre che in dì di vuê, par podê la indenant a vivi in mont e intal paîs indulà che si nas, al tocje imparâ l’art dal savêsi rangjâ e la art dal scuvierzi e meti in lûs lis propris capacitâts creativis. ❚
✒ Marta Vezzi
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +