“La mê storie te grande Storie” al sarà il teme di fonde dai lavôrs de edizion numar VII dal Premi Fondazione Friuli scuole, promovude de Fondazione Friuli in colaborazion cun Associazione Friuli Storia. Obietîf dal Premi al è chel di incoragjâ i students a cognossi la storie de proprie famee e de proprie comunitât (“la mê storie”), metintle dentri de storie regjonâl e nazionâl (“la grande Storie”). I insegnants a podaran sielzi in maniere libare lis modalitâts di vore di proponi e la forme finâl dal prodot di someti ae jurie: al è ametut ogni gjenar di espression scrite, artistiche o multimediâl. Il Premi Fondazione Friuli scuole al met tal centri i students di vuê, futûrs apassionâts di storie e letôrs in nuce de Jurie popolâr dal Premi, pes edizions che a vignaran. La ativitât e sarà indreçade aes classis, o a grups di classis di almancul 5 students, dai Istitûts secondaris di I grât di Udin e di Pordenon. ❚
Cemût sburtâ i students a scuvierzi che la Grande Storie e je fate di oms come lôr
Redazion
