Dut il mont, ma soredut la Europe, al ricuarde i 100 agns de prime vuere mondiâl, la catastrofe determinante dal secul XX. Pe monarchie danubiane chel al fo l’inizi de sô fin, par altris tant che la Jugoslavie e la Cecoslovachie la pussibilitât di liberâsi e di lâ indenant di bessôi. Cun cirche 676.000 km², la Austrie Ongjarie e fo in tiermins di superficie il secont stât plui grant daûr la Russie, e cun 52,8 milions di personis – daûr la Russie e l’Imperi todesc – in tiermins di popolazion, il tierç stât in Europe. Di dut chel al è restât un rest che si clamà dopo la vuere Deutsch-Österreich o la Austrie todescje, tant piçul che a vevin la intenzion di deventâ part de Gjermanie; chest, in fin, intun contest negatîf al sucedè tal 1938.
In realtât, l’Imperi si è disgregât za tal imprin. Cul sostegn dal president american Wilson, e fo proclamade la Republiche cecoslovache ai 28 di Otubar dal 1918 a Praghe. I rapresentants dal vieri stât lu cjaparin sù cence obiezions e a proclamarin la Republiche Deutsch-Österreich. Une dì dopo, il Stât dai Slovens, Cravuats e Serps al proclamà la indipendence.
Tai ultins dîs de vuere, l’imperi al fo une pure finzion. Ancje se slovens, cravuats, slovacs, cecs e talians, furlans, bosgnacs, polacs e galizians (un totâl di undis lenghis si fevelavin tal esercit) a vevin servît tal esercit asburgjic, ducj si cjatarin in gnûfs stâts vincidôrs. Un vêr paradòs pai soldâts, chel di jessisi batûts pal imperi e dopo di cjatâsi intun stât aversari e vincidôr.
***
I Asburcs fondadôrs de Europe unide?
I austriacs a fevelin une vore dai Asburcs e la Austrie si identifiche tant che il fondadôr de Europe unide. La division de zone euro intun grup setentrionâl e meridionâl e podarès puartâ ae disintegrazion de Union europeane, al à dit il storic austriac Manfred Rauchensteiner. Un erôr simil e fo la division de monarchie in Austrie e Ongjarie, e o vin vuê ancje chel istès probleme cul nazionalisim. De grande catastrofe de prime vuere mondiâl no si fevele tant in Austrie, e i gjornâi a tasin. La rason e je di sigûr la cuistion de colpe di vê proclamât uficialmentri la vuere prin di chei altris.
***
Nol è previodût nissun grant event centrâl
Tal museu di Storie Militâr, dal inizi dal Istât si mostrarà par une setemane la cjamese plene di sanc dal erêt al tron sassinât. In plui, tal museu e reste – no cate lis molteplicis domandis dai paîs forescj – la machine li che Franz Ferdinand al stave viazant cuant che al sucedè il tragjic atentât dai 28 di Jugn.
I media a critichin il fat che il guvier nol vedi previodût nissun grant event centrâl.
La cerimonie uficiâl di stât si è davuelzude ai 18 di Jugn te Biblioteche Nazionâl di Viene; il president Fischer al à fevelât ancje de responsabilitât te vuere dal imperi austroongjarês. Il focus dal so discors al è stât su la impuartance e emergjence de pâs. Tant che esempli positîf de storie austriache, a àn rindût omaç ancje al centenari de muart de scritore Bertha von Suttner che e à otignût tant che prime femine il premi Nobel pe pâs tal 1905. E fo la fondadore dal moviment pacific todesc. Bertha von Suttner e murì di cancar ai 21 di Jugn dal 1914, dome pocjis setemanis prime dal sclop de vuere; fin ae ultime dì e à visât dal pericul cu lis peraulis: “Die Waffen nieder!”, “Jù lis armis.”
“Pôc prime dal centesim inovâl dal assassini di Sarajevo, il cancelîr Faymann e il ministri de difese Klug a visitin cu la “idee di pâs” la Bosnie e i Balcans ocidentâi”. Dulà che 100 agns fa il conflit mondiâl al tacà, si cjatin cumò di gnûf soldâts austriacs. “Ma cheste volte par garantî la pâs”, al spieghe il cancelîr. ❚
Janez Erat
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Walter Tomada
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
Ricorence / Pier Pauli Pasolini om contraditori e segnâl di contradizion
Pre Toni Beline
Tal centenari de muart di Pier Pauli Pasolini o ripuartìn a tocs la tierce part dal libri scrit di Antoni Beline tal 1993 ‘Trilogjie tormentade’, che e rivuarde propit il poete di Cjasarse I. RISPIETÂ IL MISTERI DAL OMLa sience plui dificile e je la cognossince di se stes. E se al è grivi cognossi […] lei di plui +
Int di Cjargne / La sporte de spese a km zero a ‘La Polse’ di Chiara e Matteo
Marta Vezzi
Di cualchi dì al è stât screât un gnûf servizi intal spaç e ristorant di Chiara e Matteo “La Polse di Cougnes” a Zui, indulà che si pues cumò cjatâ e comprâ prodots locâi. “La idee e je nassude pal fat che za nô intal ristorant o doprìn avonde materiis primis dal teritori – e […] lei di plui +
Il numar in edicule / Jugn 2022
Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +