Sfuei Mensîl Furlan Indipendent
Archivi de Patrie

ATUALITÂT – Unidos por la Historia

............

A nivel sociâl la Argjentine si è costituide cu la imigrazion, in diviers timps e in formis diferentis.
Un esempli al è Colonia Caroya, che e je une gnove butade nassude dal çoc de storie dal Friûl. Cussì e à vivût il so disvilup tal timp, cence smenteâsi de sô origjin. Al è par chel che ai 15 di Març stâts, la Associazion Furlane Alef e à presentât un libri titulât “Unidos por la Historia”, che al fevele dal passât e dal presint dal Friûl e di Colonia Caroya, ricognossint la lôr fradilance sociâl e culturâl, cundut dai 13.500 km che ju dividin. Si à sielzût cheste dì par memoreâ i 133 agns di cuant che i prins imigrâts furlans a son rivâts culì.
Il libri al à doi cjapitui che si centrin sul Friûl fevelant prime de sô storie e po dopo de sô atualitât economiche e sociâl. In altris trê cjapitui al conte la storie di Colonia Caroya e al mostre la citât cemût che e je vuê sot diviersis prospetivis, tant che lis atrativis turistichis, lis istituzions, i grups culturâi e v.i. Un ultin cjapitul al conte dut de tignude dai jesuitis di Estancia Caroya.
Chest lavôr al da dongje i risultâts dal lavôr di tancj dai membris dal circul Alef che si son impegnâts par trê agns par tirâ sù informazions, metilis in sintesi e voltâlis par castilian.
Cuntun lengaç clâr par che ducj a puedin leilu, cul fin di valorizâ il nestri patrimoni caroyens.
Al è impuartant zontâ che nus à dât une man int dal Friûl, che e à dât informazions siguris par che o podessin fâ une opare complete e afidabile, come Sandri Carrozzo e Christian Romanini.
Marcos Goy

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +