ATUALITÂT – L’anuari 2010 di Glesie Furlane

Come l’an passât ancje il 2011 di Glesie Furlane (www.glesiefurlane.org) si vierç presentant l’anuari 2010 jessût pôc prime di Nadâl.  La publicazion e vûl jessi un struc de ativitât de Associazion che met adun cristians e furlans che a cirin di lâ a font des lôr lidrîs culturâls e religjosis, par podê conciliâ in maniere armoniche la proprie fede cu la proprie identitât culturâl.
La riviste, rivade zaromai al cuint an, si presente cuntune vore di novitâts. Za de cuviertine si pues capî che la gnove impostazion, sot de vôs “GLESIE IN FRIÛL”, e je chê di contâ lis ativitâts e la cronache de Glesie che e je in Friûl. Cussì ancje pai studis, documents, riflessions, propuestis e esperienzis che vescui, predis e laics a puartin indenant e a metin in vore pe vite eclesiâl e civîl.  Par cheste edizion a àn colaborât: Remo Cacitti, Sandri Carrozzo (Serling), Gianni Di Lena, Venusia Dominici, Tonin Cjapielâr, Duili Cuargnâl, Rizieri De Tina, Roman Michelot, Emidio Papinutti, Gabriele Pelizzari, Silvana Schiavi Fachin, Sûr Fides, Dree Venier e Pieri Zanini.
Redazion