Sfuei Mensîl Furlan Indipendent
Archivi de Patrie

ATUALITÂT – Il gnûf sît di Radio Onde Furlane

............

Un sît gnûf crei par Radio onde furlane. www.ondefurlane.eu, cheste e je la gnove direzion internet de radio libare dai furlans che e je stade la prime a meti sù un sît in lenghe furlane ancjemò ae metât dai agns Novante. Il gnûf sît, in plui di une grafiche dal dut rignuvide, e di une gjenerâl risistemazion des informazions furnidis, al ufrìs ancje une novitât impuartante: la pussibilitât di tornâ a scoltâ i programs principâi de setemane dome colegantsi cul sît de radio. Si à duncje simpri a disposizion i radiogjornâi de setemane, insieme cun chei altris programs che magari no si à podût scoltâ par vie di impegns di lavôr o di altri gjenar. Chest archivi audio al è une vore impuartant ancje parcè che al permet al visitadôr di fâsi une idee in pôc timp de programazion e dal stîl de radio. Come simpri, e je ancje la pussibilitât di scoltâ in direte la radio. Interessante ancje la integrazion di materiâl video dentri dal sît  (di segnalâ il piçul «trailer» che si pues viodi in rêt). Un sît duncje une vore interessant che, cul lâ dal timp, o sperìn che al deventi inmò plui siôr di contignûts audio e video.
MATTEO FOGALE

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +

L’EDITORIÂL / Parons vecjos e gnûfs de informazion

A i 24 di Mai dal 1946, juste trê mês dopo che pre Bepo Marchet e Felix Marchi a vevin fondade “La Patrie dal Friûl”, un grup di industriâi triestins al à screât a Udin un gjornâl cuotidian clamantlu “Messaggero Veneto”. In chê volte Carlo Tigoli, il diretôr, e ducj chei che lu àn finanziât, […] lei di plui +