Un biel pont interogatîf, massime dopo de emanazion di bande de Zonte Tondo dal dissen di leç sul riordin e su la semplificazion dal ordenament intai teritoris di mont. A plui di un an de sopression des Comunitâts montanis, ve la «invenzion» des Unions dai comuns che a varessin di assorbî lis stessis funzions aministrativis des ex Comunitâts montanis. Si cambiin i tiermins, di comunitâts a unions, a ambits, a agregazions: inte sostance però nol cambie nuie. Sì, a dî il vêr alc al mude – ma chest nol fâs notizie – e si trate dal impuariment complessîf continui de mont e cun chel de pocje voie di reagjî dai siei «indians», scjafoiâts des mil promessis dai siei stes politicants. Al ven di ridi, ma magari cussì no al è di vaî, par dôs situazions resintis: chê dal cost dopleât de aghe potabile, dopo che e je rivade une societât di gjestion ad hoc, volude de Regjon, e chê de costruzion su la Bût di un puint di ciment che al unìs Paluce a Çurçuvint, che al è stât valutât tant che no prioritari. E pensâ che il cost fis de aghe gjestide in maniere autonome dai comuns prime che e rivàs la dite Spa al jere ridicul, e che il puint che si fevele li al è simpri stât. La riforme des comunitâts montanis e je une mancjade riforme, dispersive dal pont di viste politic e cu la agravante di no tignî in considerazion il parê de int. A la int forsit i baste e i vanze il Zîr di Italie sul Zoncolan, volût a fuart de Regjon, convinçude che la ricjadude di imagjin de manifestazion e fasarà miracui. Cui che al vivarà al viodarà. Tornant aes Unions dai comuns di mont de nestre regjon (che a àn di vê la carateristiche de «montanitât», tiermin «in» par dâ forsit plui grant rilêf ae robe), a son stadis individuadis sîs, che a rivuardin la Cjargne cun ducj i siei 28 comuns. Chel che nol è clâr, al è cualis che a sedin lis funzions che chestis entitâts a varan di cjapâ sù. Par no fevelâ dal aspiet dai coscj, in barbe ai proclamâts tais di Ents e consorzis inutii. La mê propueste semplice e grese (viôt «La Patrie» dal Març di chest an) sul riordin dai Ents locâi, in particolâr in Cjargne, e rivuardave ancje chest aspiet. La creazion di Comuns sostignibii di Valade – no plui di cuatri o scrivevi -, une Assemblee Cjargnele permanente e autonome di control di podê assegnâi soredut i beneficis di «Zone Francje», cun funzions di programazion socioeconomiche teritoriâl e di gjestion di oparis e servizis intercomunâi, al à cjatât il consens di osservadôrs bipartisan e ancje di tancj letôrs. Un compliment cetant preseât ma efimar, magari cussì no. Cence une autonomie ben precise, la Cjargne e sarà simpri in podê des «ondis» de politiche dai Palaçs triestins e udinês, e il parê de sô int, esprimût midiant dai valits Comitâts spontanis, al vignarà somerzût: l’eletrodot Wurmlach–Somplât al è dome che l’ultin esempli. Cetant che al mancji vuê ae Cjargne un vêr leader superpartes par podê contâ di plui, dome Diu lu sa. Intant, la vegjetazion incontrolade e ven indenant par mancjance di falcets e e pâr che e cjapi la volte sui paîs, platantju. Ancje l’ors si ‘nd è inacuart.
DINO TEMIL
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +