La associazion culturâl «Colonos», cun sede tal omonim agriturisim a Vilecjaze di Listize, ancje chest an nus propon une schirie di apontaments culturâi une vore svariâts e interessants. Il teme di font al è chel de biodiviersitât, valôr che al devente simpri plui impuartant di tignî cont intune ete dulà che la tindince e je chê di globalizâ, di rindi dut compagn, di uniformâ.
Une schirie di apontaments duncje, che a permetin di viodi, di scoltâ e di vierzi i voi suntun mont che al è biel propit parcè che al à tante «diviersitât»: propite come il Friûl, che tal so piçul al ufrìs un esempli di tantis culturis, lenghis, tradizions e paisaçs.
Chest il calendari pe edizion dal 2009
Miercus ai 29 di Lui, aes 21.00 «Coltâ une tiere di diviersitâts», Intervents di Pierluigi Cappello – Mauro Corona – Gian Paolo Gri – Mauro Pascolini.
Vinars ai 31 di Lui, aes 21.00 «Cheste tiere…» inaugurazion de mostre.
Lunis ai 3 di Avost, aes 21.00 Alexian and family in conciert.
Joibe ai 6 di Avost, aes 21.00 «Poesiis a Oltris» presentazion dal gnûf libri di Tito Maniacco.
Domenie ai 9 di Avost, aes 19.00 … E intant i ai dibot 60 agns… Conciert in onôr di Giorgio Ferigo cun Arbe Garbe, Bakan, Bande Tzingare, DJ Tubet, La Stravinte, Morpheus & Mattia Del Moro, The Charlestons, The Human Condition Band & Angela Revelant, Vanilla Resident & Sara Rainis.
Miercus ai 12 di Avost, aes 21.00 BioXtremitât (la semence de vite intal univiers). Conference di astronomie par furlan di Nando Patat.
Vinars ai 14 di Avost, aes 21.00 «Primitîf tu e to nono». Comedie teatrâl par cure da la Compagnie teatrâl di Ruvigne.
Martars ai 18 di Avost, aes 20.00 «Vivi a chì» di Paolo Comuzzi; Inaugurazion de mostre (Insiums / progjet utopie). Francesco Ursella al lei «Savoltament gjenerâl» di Pre Toni Beline.
Conciert di cjampanis cui scampanotadôrs de Associazion «Scampanotadôrs furlans Gino Ermacora».
Joibe ai 20 di Avost, aes 21.00 «Il pianeta Azzurro» film documentari di Franco Piavoli.
Sabide ai 22 di Avost, aes 21.00 «Il Mus d’Aur» e presente Angela Felice; Spetacul comic cui Trigeminus. Cjants dal Coro laboratori «La tela», diret di Claudia Grimaz.
Martars ai 25 di Avost «VELE LA PIMPA!»
Aes 18.00 Zuiant cu la Pimpa. Laboratori didatic cun Altan. Aes 21.00 «La Pimpa», proiezion.
Vinars ai 28 di Avost, aes 21.00 Insiums progjet utopie presentazion dal libri catalic.
Domenie ai 30 di Avost, aes 10.00 Scus (Insiums / progjet utopie). Laboratori artistic cul artist Chris Gilmour.
Dal prin ai 6 di Setembar, Ester Mahlangu. Une artiste ndebele ai Colonos.
Event artistic cu la partecipazion di Esther Mahlangu, par cure di Gianni Sirch.
Martars ai 8 di Setembar, aes 20.30 «Maritiere».
Incuintri testemoneance cun Aldo Gonzales Rojas, indian indigjen dal Messic.
Par lei dut il program tal detai, lait sul sît www.colonos.it.
Venusia Dominici
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +