Sfuei Mensîl Furlan Indipendent
Archivi de Patrie

ATUALITÂT – Leint i mosaics cun Pelizzari

............

Degne di note e je stade la visite vuidade, pôc prime de messe, che il dotôr Gabriele Pelizzari, intervistât in chest numar, al à regalât a lis tantis personis che si son tiradis dongje vie pe zornade in ocasion de celebrazion. La professionalitât e la grande dialetiche dal studiôs a àn savût cjapâ la atenzion dai intervignûts che a àn vût cussì la pussibilitât di cognossi, viodint in prime persone i documents materiâi, il significât dai mosaics de basiliche di Aquilee. Pelizzari al à spiegât, daûr i siei studis che al puarte indevant di passe 10 agns in ca, i messaçs profonts che a puartin cun lôr il paviment musîf, tornant a lei la storie di Aquilee e dal so cristianesim sot di une altre lûs, in face a la tradizion romanocentriche che fint in dì di vuê e à puartât vie grande part de magnificitât de citât furlane.
Si augurìn che la opare di Pelizzari e vebi la juste colocazion tal panorame editoriâl no dome furlan, ma ancje talian e forest, par che chescj studis no restedin sierâts dome tai 4 mûrs de basiliche, ma che a coventedin a stiçâ la volontât di ducj te ricercje e te riscuvierte dal nestri patrimoni culturâl.
Venusia Dominici

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +