Stiefin Devoti gnûf president di Informazione Friulana

Stiefin Devoti al è il gnûf president di Informazione Friulana. Sabide ai 9 di Mai stâts a Udin si è dade dongje la assemblee dai socis de cooperative che e je la societât editore di Radio Ronde Furlane cun chê di rinovâ il so consei di aministrazion. Ae unanimitât a son stâts elets i siei cinc gnûf aministradôrs, che di cumò al 2029 a saran Margherita Cogoi, Stiefin Devoti, Caterina Giau, Mauro Missana e Carli Pup. In chê stesse zornade e je stade fate la prime riunion dal gnûf consei di aministrazion, che i à dât la presidence propit a Devoti, che al è soci de cooperative di passe trentecinc agns e che par un deceni al è stât un so dipendent, tant che tecnic di regjie, prime di lâ a vore inaltrò tant che cuadri di une aziende informatiche. Stiefin Devoti al cjape il puest di Carli Pup ae vuide de cooperative par nûf agns, che cumò al sarà vicepresident e diretôr aministratîf. ❚