Proclamade di bande dal Consei de Europe cul patrocini de Ue ai 6 di Dicembar dal 2001, la Zornade europeane des lenghis e cole ogni an ai 26 di Setembar e e à tant che obietîf chel di promovi l’aprendiment des lenghis forestis di bande dai citadins europeans in mût di miorâ il plurilenghisim e la reciproche comprension interculturâl. Bisugne tignî a ments che a nivel mondiâl plui di metât de popolazion e je bilengâl oben plurilengâl. In dì di vuê tal mont a esistin plui di sîs mil fevelis: di chestis in Europe ‘nd a vegnin feveladis uns 225, oben dome il 3,5% dal totâl. Dut câs, il 96% des lenghis al ven doprât dome dal 4% de popolazion mondiâl.
I APONTAMENTS_ In ocasion de Zornade europeane 2008, proclamât ancje an dal dialic interculturâl, chescj a son stâts i apontaments plui impuartants che si son davuelts ca di nô.
Ai 25 di Setembar, par cure de biblioteche Joppi di Udin in colaborazion cul Centri Interdipartimentâl di Ricercje su la culture e la lenghe dal Friûl, al è stat presentât Il Cjasâl dai animâi (edizions KappaVu), version furlane de innomenade opare di Orwell Animal farm par cure di Luca De Clara.
Ai 26 la Universitât dal Friûl e à proponut une taule taronde li che si è fevelat di diviersitât linguistiche e di interculture. Presentât ancje Schiribiç numar 5, cuader didatic li che si conte par furlan ai fruts la storie des scrituris dal mont, curât de professore Schiavi Fachin.
TAL ROSEAN_ Li dal centri culturâl a Resie, te suaze des iniziativis par memoreâ i 25 agns dal circul Rozajanski Dum, ai 27 si è fevelât des variants locâls des lenghis minoritariis tant che elements di atrat turistic. Presentât ancje il libri di imagjinis Trê valadis. Trê culturis, mintri par dut il mês di Otubar e sarà vierte une mostre fotografiche par viodi lis bielecis naturâls dal puest.
ANCJE MUSICHE_ No je mancjade la musiche. Vinars ai 26, a Cjasielis di Mortean, al è stat screât Cormôr Salvadi cuntun conciert dal cjantautôr furlan Loris Vescul, dal musicist ocitan Sam Karpienia e de americane Julia Kent. Sabide ai 27 invecit apontament musicâl cun Priska e cu la cjantante austriache Lisa Stern, che e à cjantât par furlan, sloven e todesc.
Alessio Potocco
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +