Fameis adun

La Associazion di gjenitôrs Val dal Tiliment e je nassude intal 2012, volude di fameis dal comprensori dai comuns di Soclêf, Dimpeç, Preon, Fors Disore, Fors Disot e Sauris/Zahre. La volontât e jere chê di permeti a cui che al vîf in Cjargne, in contescj margjinâi dal pont di viste gjeografic, di podê cjatâ ocasions di benstâ e buinis relazions cence vê di fâ grandis distancis, dispès e di fat ostacul par grancj e picinins. In dì di vuê a son coinvoltis otante fameis sù par jù, e la associazion e ufrìs ativitâts par ogni etât: dai cors di lenghe ae orticulture, dai centris estîfs par fruts aes piçulis produzions locâls. E crôt che «se si vûl lâ lontan, si pues fâlu dome insiemi». ❚
C.P.