Fondade intal 1987, la Associazion Teatrâl Furlane (A.T.F.) e pues contâ cumò su plui di 50 compagniis iscritis. Fra i compits al è chel di valorizâ a ducj i nivei il teatri furlan, stimolâ la scriture di tescj teatrâi origjinâi in lenghe furlane e produsi spetacui in lenghe furlane cun caratar formatîf cu la partecipazion des compagniis associadis.
Propit in cheste otiche la associazion e bandìs il “Concors di Tescj pal Teatris in Lenghe furlanis”, rivât ae decime prime edizion, cul jutori di ARLeF, Societât Filologjiche Furlane, Ente Friuli nel Mondo.
IL REGOLAMENT_ I lavôrs a àn di jessi inedits, mai presentâts in altris concors, no àn di jessi mai stâts rapresentâts ni pandûts. A podaran jessi di cualsisei gjenar (dramatic, di ridi, di caratar sacri, storic e vie indenant). No si acetaran traduzions di tescj za scrits in altris lenghis. E je previodude ancje une categorie di concors di teatri pai fruts. Ducj i concorints a varan di mandâ 7 (siet) copiis scritis a computer, segnadis cuntun sproc; non, cognon e recapit dal concorint si varà di metiju dentri di une buste sierade e segnade par fûr dome cul sproc. I tescj scrits dai autôrs che a son a stâ intal forest a varan di vê in zonte un document che al testi la residence efetive; si varà di metilu inte buste cun dentri lis gjeneralitâts. Al è obligatori zontâ ancje un CD-Rom segnât cul stes sproc. Dut chest al varà di rivâ chi de Segretarie dal Concors pal 31 di Decembar dal 2015.
I PREMIS_ Al prin rivât i van 1.500,00 euro, pal secont 500,00 (cinc cent); pal miôr test di Teatri par fruts 500. Premi speciâl de Jurie al miôr test, almancul segnalât, di autôr che al sedi a stâ intal forest.
La Associazion Teatrâl Furlane si risierve di publicâ o di fâ publicâ une o plui oparis, fasint siei i dirits editoriâi. I tescj, ancje chei no premiâts, no si ju tornarà indaûr. La partecipazion al Concors e je libare e e compuarte la acetazion plene e cence cundizions di chest regolament.
Par mandâ i materiâi o domandâ ogni altre informazion, scrivi o telefonâ a la Associazion Teatrâl Furlane vie Manin 18 – 33100 UDIN – tel. e fax 0432.510856 e-mail: info@associazioneteatralefriulana.com ❚
Redazion
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +