P { margin-bottom: 0.21cm; }
E je une ricete des Vals Ocitanis, sauride e dal sigûr facile di preseâ di bande dai furlans, massime in cheste stagjon.
400 grams di coce
350 grams di pan sec
3,5 decilitris di lat
2 ûfs
70 grams di formadi fresc
150 grams di formadi mezan
vueli
spongje
sâl
Meti il pan sec in muel tal lat, une ore, e zontâ il formadi taiât a tocuts. Fridi la coce a tocuts tal vueli e cuant che e je cuete messedâle cul pan smolât tal lat e cul formadi. Messedâ dentri ancje i doi ûfs e regolâ di sâl. Meti dut intun stamp ont cu la spongje e meti parsore riçs di spongje. Cuei tal for uns 40 minûts a 160-170 grâts.
✒ Sandri Carrozzo
