Sfuei Mensîl Furlan Indipendent
Archivi de Patrie

RICETE. Cogorda e pan bagnat – Coce e pan bagnât

............

P { margin-bottom: 0.21cm; }

E je une ricete des Vals Ocitanis, sauride e dal sigûr facile di preseâ di bande dai furlans, massime in cheste stagjon.

400 grams di coce

350 grams di pan sec

3,5 decilitris di lat

2 ûfs

70 grams di formadi fresc

150 grams di formadi mezan

vueli

spongje

sâl

Meti il pan sec in muel tal lat, une ore, e zontâ il formadi taiât a tocuts. Fridi la coce a tocuts tal vueli e cuant che e je cuete messedâle cul pan smolât tal lat e cul formadi. Messedâ dentri ancje i doi ûfs e regolâ di sâl. Meti dut intun stamp ont cu la spongje e meti parsore riçs di spongje. Cuei tal for uns 40 minûts a 160-170 grâts.

✒ Sandri Carrozzo

← va indaûr va indevant →

Gnovis / LA PATRIE DAL FRIÛL AL SALON DAL LIBRI DI TURIN 2026

Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +

GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.

Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +

L’EDITORIÂL / I taramots che no si viodin

Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +