Sfuei Mensîl Furlan Indipendent
Archivi de Patrie

FIESTE DE PATRIE DAL FRIÛL – 2015 Program des manifestazions ator pal Friûl

............

.VINARS AI 27 di MARÇ
MERÊT DI TOMBE – Centri sociâl San Leonardo
Aes 20.30 – Serade culturâl inmaneade de Aministrazion comunâl cu la presentazion dal libri “Niente è perduto – Nuie al è pierdût” di Guido Sutto e Otto D’Angelo, Edizion Chiandetti. La presentazion de opare, che e mostre une testemoneance uniche de civiltât contadine dal Friûl tal Nûfcent, e vignarà fate dai autôrs, compagnade di intervai par cure de Associazion culturâl “I Viandants”.
LUNIS AI 30 di MARÇ
TISANE – Centri Polifunzionâl
Aes 18.00 – Scree de mostre “Friûl (IN)Storie” cun Pier Carlo Begotti, curadôr de esposizion. La mostre e presente su panei bilengâi furlan/talian la storie dal Friûl de ete preistoriche fin ae fondazion de Regjon Friûl Vignesie Julie e e restarà vierte fint ai 17 di Avrîl tai oraris di viertidure de Biblioteche Civiche.
MIERCUS 1 di AVRÎL

MERÊT DI TOMBE (Pantianins) – Scuele primarie “C. Colombo”
Aes 11.00 – Presentazion dal “Piçul gjornâl dai fruts” realizât dut par furlan dai fruts de Scuele primarie di Pantianins.
VINARS AI 3 di AVRÎL
MONTENÂRS – Biblioteche “Pre Checo Placerean”
Aes 10.00 – Inaugurazion de gnove Bibliotece comunâl e cerimonie di donazion de Sacre Bibie (version in marilenghe) di bande de Provincie di Udin ae Biblioteche che e puarte il non dal ilustri concitadin di Montenârs Pre Checo Placerean.
CIVIDÂT – Municipi
Aes 13.00 – Cerimonie di donazion de Sacre Bibie (version in marilenghe) di bande de Provincie di Udin ae Biblioteche comunâl ae presince dal president de Aministrazion Provinciâl Pietro Fontanini e dal sindic di Cividât Stefano Balloch.
BASILIAN – Sale conseâr
Aes 17.00 – La Aministrazion comunâl e inmanee la iniziative “Flabis inte cjase dal Sindic” – flabis e zûcs par fruts cul Magjic Adrian.
UDIN, Vie Grazzano – Museu Etnografic dal Friûl
Aes 17.30 – La Associazion culturâl Furclap, tal ambit dal program di MUSEO ATTIVO 2015 e inmanee un percors teatrâl e musicâl dal titul “Tegnimi simpri tal cûr, gno Friûl”, une conte scrite di Claudio Minotti che e trate des tematichis e des peculiaritâts dal Friûl e dai furlans, jenfri mûts di dî, valôrs e difiets, ironiis e malincuniis. Si podaran ancje cjatâ artiscj tant che Gigi Mestroni e Beppino Lodolo e atôrs tant che Chiara Venturini, Gianni Nistri, Giorgio Merlino e Claudio Minotti. La jentrade e je libare ma i puescj a son limitâts (si consee di prenotâ scrivint a info@furclap.it)
FAEDIS – Sale conseâr
Aes 20.30 – L’A.P.S. Pro Loco Faedis e il Comun di Faedis a organizin une serade culturâl cu la proiezion dal documentari “Il Paesaggio Friulano nel documentario cinematografico (1910-1969)”.
SABIDE AI 4 di AVRÎL
COLORÊT DI PRÂT – Vie Asilo, 9
Aes 18.00 – Scree de mostre di piture di Bob Passantino, pitôr e scultôr furlan di Pasian di Prât e presentazion dal libri di Andrea Peressoni “Celtic roads. Su lis olmis dai celtics”. Iniziative par cure de Pro Loco di Colorêt di Prât.
LUNIS AI 6 di AVRÎL

REMANZÂS – locâl “Tozmania” (s.s. 34 Udin-Cividât)
Aes 20.00 – “Karaoke par furlan – prime edizion” – event musical inmaneât e promovût de Associazion culturâl “Numar Un” cul intent di svicinâ i zovins talents musicâi a la marilenghe. Sfide e proclamazion dal vincidôr dal premi “Karaoke par furlan”, ospit d’onôr Toni Merlot.


Celebrazion uficiâl de Fieste de Patrie

CIVIDÂT
Aes 10.30 (Domo di Sante Marie Assunte) – Sante Messe par furlan celebrade dai rapresentants des trê Diocesis dal Friûl


Aes 12.00
Leture de Bole dal Imperadôr Indrì IV. Intervents des autoritâts e esibizion dal coro dai fruts “Antony David Liberale” cun cjants par furlan
Tal cas di brut timp la celebrazion si tignarà inte Glesie di S. Francesc


Daûr vie, gustâ furlan intai ristorants convenzionâts (Locanda Al Pomo d’Oro, Piazzetta S. Giovanni, 20 – “Menù dal Patriarcje”) – Par prenotazions telefonâ al n. 0432.731489

Tal dopodimisì – Il tradizionâl “Zûc dal truc” cun animazions intes placis de citât

ALTRIS APONTAMENTS A CIVIDÂT

– Monasteri di Sante Marie in Val: Mostre fotografiche di Andrea Solero “Aspettando Papa Francesco” (fint ai 12 di Avrîl – orari: 10.00-18.00) – jentrade libare

– Monasteri di Sante Marie in Val – Glesie di S. Zuan: Mostre d’art “Via Crucis” par cure dal Centro Friulano Arti Plastiche (fint ai 2 di Mai – orari: 10.00-18.00) – jentrade libare
– Monasteri di Sante Marie in Val – sale didatiche: Mostre di ilustrazions sui Langobarts di Tommaso Levente Tani (fint ai 30 di Avrîl – orari: 10.00-18.00) – jentrade a paiament


– Monasteri di Sante Marie in Val – Sacrestie de Glesie di S. Zuan: Mostre “Ritorni Preziosi” (fint ai 20 di Jugn – orari: 10.00-18.00) – jentrade a paiament

– Glesie di Sante Marie dai Batûts: Mostre “Frammenti di Memorie – Cividale del Friuli e la Società Operaia durante la Prima Guerra Mondiale” (fint ai 6 di Avrîl – orari: 10.00/13.00 – 14.30/18.00) – jentrade libare
Mostre personâl dal artist Giorgio Benedetti pai siei trente agns di ativitât (dai 10 di Avrîl ai 3 di Mai – oraris su www.cividale.net) – jentrade libare


– Biblioteche civiche (Piazzetta Chiarottini): esposizion di riproduzions di documents di archivi de epoche patriarcjâl e di libris sul Friûl (dai 3 di Avrîl ai 4 di Mai: dal lunis al vinars, orari 14.30-19.00, martars e joibe 10.30-12.30)

– Sede SOMSI (Foro Giulio Cesare, 14): Mostre “La Pratica del Bene e l’attività solidale della Società Operaia e di Mutuo Soccorso di Cividale” (dai 3 ai 11 di Avrîl – orari: 10.00-18.00) – jentrade libare

VISITIS A LA CITÂT

– Templut Langobart e Monasteri di Sante Marie in Val (patrimoni mondiâl dal UNESCO): viert cun jentrade a paiament des 10.00 aes 18.00
– Museu Archeologjic Nazionâl: viert cun jentrade a paiament des 9.00 aes 14.00
– Museu Cristian e Tesaur dal Domo: viert cun jentrade a paiament, orari 10.00/13.00 – 15.00/18.00)
– Domo di Sante Marie Assunte: viert al public des 11.30 aes 17.00
– IPOGEO CELTICO: par visitis libaris domandâ al Informacittà di Place Paolo Diacono
– La Farie Geretti – il laboratori dal fari: vierte par cure de SOMSI


Informazions:
Infomacittà, Piazza Paolo Diacono, tel. 0432.710460 (inte zornade dai 6 di Avrîl viert cun orari 10.00/13.00 – 15.00/17.00)
www.cividale.net – Ufici Culture, tel. 0432.710350

MARTARS AI 7 di AVRÎL
TUMIEÇ – Sale multimediâl dal Museu Gortani
Aes 18.00 – “Tumieç inte Patrie dal Friûl” incuintri di furlanetât cun comemorazion storiche de fondazion dal Stât Patriarcjâl, ricuart dai poetis Amelia Artico e Federico Morocutti, presentazion dai libris furlans publicâts tal 2014 a Tumieç. Moments musicâi cun Gigi Maieron. Iniziative inmaneât de Nuova Pro Loco Tolmezzo in colaborazion cu la Universitât de Tierce Etât de Cjargne, la Redazion “Ladins dal Friûl, “Union Scritôrs furlans” e la Aministrazion comunâl. Ae fin de serade piçul rinfresc.
MIERCUS AI 8 di AVRÎL
CIVIDÂT – Teatri comunâl Adelaide Ristori
Aes 10.30 – Presentazion dal libri “Il Diavolo e la Gubana/Il diaûl e al gubane” par cure de Biblioteche civiche cul finanziament de ARLeF, intervents di Chiara Carminati e Pia Valentini

JOIBE AI 9 di AVRÎL

SAN ZUAN DAL NADISON – Vile De Brandis
Aes 16.30 – La Biblioteche civiche Villa De Brandis e invide i fruts jenfri i 4 e i 10 agns a “Cumò ti conti”, storiis e contis par furlan. La jentrade e je libare e gratuite.
MERÊT DI TOMBE (fraz. Tombe) – ex latarie
Aes 19.30 – Presentazion dal libri “Celtic roads. Su lis olmis dai celtics” di Andrea Peressoni. Iniziative par cure de Associazion culturâl “La Grame”.
VINARS AI 10 di AVRÎL
SEDEAN – Biblioteche
Aes 16.30 – Inte suaze dal progjet “Nassûts par lei” la Aministrazion comunâl di Sedean e inmanee la iniziative “Besties? Yes: Best!”, une ore di conte pai fruts dai 3 ai 7 agns cun leturis par furlan.
CJARLINS
Aes 19.00 – Inte glesie di Cjarlins messe cul popul celebrade di pre Elia Leita e compagnade dal Grop Corâl di Cjarlins diret de M.e Giulia Zucchetto.
Aes 19.45 – Corteu cu la Gnove Bande di Cjarlins direte dal M.i. Flaviano Martinello e deposizion di un zei di rosis tal Monument ai Muarts in vuere par cure dal Grop Alpins di Cjarlins e intal Monument ai Muarts sul lavôr par cure dai Volontaris de Protezion civîl comunâl
Aes 20.30 (sale parochiâl) – Sunadis e cjantadis furlanis cu la partecipazion de Gnove Bande di Cjarlins e dal Grop Corâl di Cjarlins.
Otave edizion de consegne dal premi “Britule di Arint” promovude de Clape Culturâl di Cjarlins e Sarvâs e presentazion dal librut bilengâl furlan/talian “La Clape 2015”. Daspò licôf
S. DENÊL (Vilegnove) – Glesie di Sante Marie
Aes 20.30 – “Che il Signôr al fermi la vuere, che il gno ben torni al paîs” cjantis, leturis e pinsîrs par no dismenteâ, cu la partecipazion dal grop corâl Vôs di Vilegnove. Iniziative inmaneade de Biblioteche Guarneriane.
BASILIAN – Centri civic di Vile Zamparo
Aes 20.45 – Serade culturâl inmaneade dal Comun di Basilian dal titul “I volti spirituali del Friuli”: video-documentari di Marco D’Agostini.
FLAIBAN – Centri sociâl
Aes 20.45 –  La Pro Flaibano in colaborazion cul Comun di Flaiban e inmanee “L’incuintri de vierte: 1077-2015, 938 agns de Patrie dal Friûl” omaç a Celso Cescutti, ilustri concitadin flaibanês, poete e musicist. Leture seniche dal Teatro Incerto cu la partecipazion dal grop vocâl feminîl “Euterpe” e de compagnie teatrâl “Picje e dispicje”, presentazion par cure dal dot. Flavio Vidoni.
SPILIMBERC – Teatri Miotto
Aes 21.00 – Spetacul teatrâl dal titul “Tre Zovini” par cure dal CSS di Udin. Scrit di Massimo Somaglino e Carlo Tolazzi, ispirât ae conte Na dì di vora di Novella Cantarutti e interpretât di Chiara Benedetti, Sara Rainis e Aida Talliente, cu la regjie di Massimo Somaglino.
Jentrade libare
SABIDE AI 11 di AVRÎL
MUÇANE – Sale parochiâl “San Vitale”
Aes 11.00 –  “Li orbi de Mozana” spetacul teatrâl par cure dal Teatri Nazionâl Furlan (T.N.F.) pes scuelis mediis dai comuns di Muçane, Cjarlins e San Zorç di Noiâr.
Aes 18.30 –  Presentazion dal libri “Li orbi de Mozana” cu la partecipazion dal autôr Renzo Casasola e dal dot. Roberto Tirelli. Daspò leturis senichis e moment musicâl par cure dai “Luna e un Quarto”.
VILDIVAR – Sale conseâr
Aes 20.30 –  Il Comun di Vildivar cu la colaborazion de Pro Loco Romans di Vildivar “Lis Aghis” al presente “3 di Avrîl 1077 – La Patrie dal Friûl e il teritori”, une serade culturâl coordenade di Paolo Bortolussi cul intervent di Franco Gover che al contarà di “Chei di Pansìn” (Don Domenico, i inzegnîrs GianBattista e Giulio, il fisic Ettore Jr. de famee Pancini) e cu la partecipazion musicâl dal coro “Aghe Frescje” diret de Mestre Guerrina Virgili.
SAN ZUAN DAL NADISON – Sale polifunzionâl
Aes 20.30 – La Associazion Pro Loco “Pro San Giovanni” e organize la “Fieste Furlane”, cu la esibizion da grop teatrâl “Lis Anforis” di ‘Sevean. Inte ocasion a vignaran premiâts i buteghîrs e operadôrs economics che par tancj agns e àn savût tignî vive la lôr ativitât sul teritori. Ae fin cene furlane par ducj i partecipants.
DOMENIE AI 12 di AVRÎL
S. VÎT DI FEAGNE – ex Cjase Schiratti
Aes 18.00 –  Serade culturâl inmaneade de Aministrazion comunâl cu la presentazion dal libri “Il segreto della biblioteca”  di Fedora D’Angelo (un zâl scrit par talian e par furlan ambientât in Friûl).
CJASTEONS DES MURIS – Aree ricreative don Aldo Sepulcri
Aes 18.00 – Serade culturâl inmaneade dal Gruppo Teatro Concerto “Le Scuelute” cu la proiezion di doi filmâts dal progjet “Farcadice”. Audiovisîfs su la memorie de emigrazion furlane cu la regjie di Carlo Della Vedova e Luca Peresson (Colonia Caroya in Argjentine e Toronto in Canada).
LUNIS AI 13 di AVRÎL
TISANE – Centri Polifunzionâl
Aes 20.30 –  Il Comun di Tisane al inmanee une serade culturâl cu la proiezion dal cine “Gli Ultimi” di David Maria Turoldo cul intervent critic di Giorgio Placereani dal CEC di Udin e il coment dal gjornalist dal Messaggero Veneto Nicola Cossar.
CODROIP – Biblioteche civiche Don Gilberto Pressacco
Aes 20.30 –  “La COMUGNE n. 25” – imagjinis, contis e traduzions te riviste di leterature furlane contemporanie. Presentazion dal ultin numar de riviste leterarie in lenghe furlane (edizions Kappa Vu) par cure di Pauli Cantarut, leturis di Luca De Clara e Giacomo Trevisan.
MARTARS AI 14 di AVRÎL
LISTIZE – Vile Bellavitis
Aes 20.30 –  Rievocazion de ricorence dai 3 di Avrîl dal 1077 e presentazion dal libri su Tiziano Tessitori, pari fondadôr de Regjon Friûl Vignesie Julie, curât dal prof. G. Ellero. Serade culturâl inmaneade de Aministrazion comunâl di Listize.
MIERCUS AI 15 di AVRÎL
LUCINîS – Sede centrâl C.R.A. (Sale Mons. Luigi Faidutti)
Aes 20.30 –  La Associazion “Furlans dal Gurizan” in ocasion des celebrazions de Fieste de Patrie e organize une cunvigne cu la presentazion dal libri “G.I. Ascoli” de Golaine di studis sul Autonomisim dal Istitût ladin furlan “Pre Checo Placerean”, relazion par cure dal prof. G. Ellero e dibatit cui partecipants.
SABIDE AI 18 di AVRÎL
CODROIP – Teatri civic Benois-De Cecco
Aes 9.00 – “MARILENGHE & MARISCUELE – seconde zornade de scuele furlane”  Seminari par cure dal Comun di Codroip, dal Istitût comprensîf di Codroip e de Societât Filologjiche Furlane. Daspò dai salûts des autoritâts, intervents di Rosalba Perini, dal dot. Mario Dutto, president dal Comitât sientific IPRASE di Trent e di Sara Moling dal Istitût Ladin “Micurà de Rü”.
La seconde part dai lavôrs (des 11.15 aes 13.00) di davuelzarà lì de Biblioteche civiche Don Gilbero Pressacco cun laboratoris didatics.
LUNIS AI 20 di AVRÎL
CODROIP – Biblioteche civiche Don Gilberto Pressacco
Aes 20.30 –  “Nuie al è pierdût” –Savês, tradizions, crodincis e religjositât intun Friûl antîc e savi. Presentazion dal libri di Guido Sut cui cuadris dal pitôr Otto D’Angelo (Chiandetti editôr) par cure de Associazion “I Viandants” di Basilian
LUNIS AI 27 di AVRÎL
CODROIP – Biblioteche civiche Don Gilberto Pressacco
Aes 20.30 –  “Art e glesie in Friûl” di Luzian Verone – Un viaç straordenari te storie de art sacre in Friûl. Presentazion dal libri (Societât Filologjiche Furlane) par cure di Gabriele Zanello, natîf di Mortean e docent di storie e filosofie tal Liceu di Codroip.
MIERCUS AI 29 di AVRÎL
UDIN – ‘Seminari arcivescovîl (sale ex Scrosoppi)
Aes 15.30 – Il circul culturâl Valussi al inmanee une conference sul teme “Furlan: lenghe o dialet?”. Al fevelarà il professôr Franco Finco.

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +