ISTÂT_ Come l’an passât su cheste pagjine, li che si cîr di contâ la Slovenie ai furlans par furlan, o volìn fevelânus des oportunitâts che il paîs nestri vicin al da a cui che al vûl cjapâsi un moment di polse vie pal Istât lontan des fadiis di ogni dì. Par chest, ancje dongje dal ex confin no mancjin lis localitâts par vivi une esperience tal mieç de Nature in mût di tornâ a cjariâ lis batariis in spiete de Sierade.
ZARDIN JULIANA_ Da pît dal Terglou (Triglav par sloven, la mont plui alte dal paîs cui siei 2.863 metris di altece), tal cûr des Alps Juliis te Val Trenta, si cjate il prin e l’unic zardin botanic alpin de Slovenie, logât tun ambient dal dut naturâl. Il zardin, che al da acet a uns sîscent speciis vegjetâls, massime alpinis e cjarsulinis, si cjate a 800 metris sul nivel dal mâr e si slargje par 2572 metris cuadrâts. Il sît al è pardabon inmagant, jessint une aree dongje de glesie di sante Marie di Trenta dacîs dal Lusinç, che al nas pôcs chilometris plui in sù. Cun di plui, une part dal zardin e je riservade a plantis no dal puest, puartadis des Alps ocidentâls, dai Apenins, dai Pireneus, dal Caucas e des monts dal Atlant, in Maroc.
BOTANIC_ La idee di dâi vite al zardin e fo dal botanic di lidrîs francese Albert Bois de Chesne, nassût a Triest tal 1871 e muart, simpri te citât juliane, tal 1953. Grant amì dal innomenât alpinist Julius Kugy, dopo vê studiât botaniche a Zuric al comprà un toc di teren te Val Trenta tal 1925 e al tacà a traplantâ plantis des monts li ator par protezilis e par permeti ai interessâts di cognossilis di dongje. Juliana al è sot de gjestion dal Museu sloven di Storie naturâl dal 1962 in ca e in plui al è tutelât te suaze dal Parc nazionâl dal Terglou, nassût tal 1981.
INFO_ Il zardin Juliana al è viert dal Prin di Mai fin ai 30 di Setembar, ogni dì des 8 e mieze di buinore aes 6 e mieze dal dopomisdì. Par rivâ si fâs la strade che di Pleç/Bovec e mene a Kranjska Gora: il zardin si cjate prime di tacâ la rampe che e puarte al pas dal Vršič. Il sît internet (par sloven e par inglês) al è www.soca-trenta.si.
GLESEUTE DI JAVORCA_ A uns vot chilometris dal vilaç di Zatolmin, su la mont Javorca a 571 metris di altece, si cjate une gleseute intitulade al Spirt Sant, di dulà che si à un panorame magnific sul Cren. Chest edifici sacri al è stât tirât sù in a pene vot mês dilunc des bataiis sul front dal Lusinç te Vuere Grande, jenfri il Prin di Març e il Prin di Novembar dal 1916, di bande de tierce brigade di montagne dal esercit austroongjarês, par memoreâ i soldâts asburgjics colâts tes batais dulintor. Sui grancj panei di len di rôl che si cjatin su lis parêts de navade de glesie a son incidûts a fûc i nons dai 2567 oms che a pierderin la vite tal non dal Imperi, dividûts repart par repart. Chescj panei a vegnin des cassis pes munizions dopradis sul front. Fûr dal edifici sacri a son picjâts i stemis di dutis lis regjons che in chê volte a jerin sot dai Asburcs.
PATRIMONI_ La gleseute di Javorca e je la uniche glesie memoreative dal esercit austroongjarês che si cjate in dì di vuê te aree dal Lusinç e e je tignude tant che il plui biel monument de Vuere Grande di dute la Slovenie. Tal 2007 e je state metude dentri tal elenc des oparis che a meretin di fâ part dal Patrimoni culturâl european.
Par visitâ la gleseute si à di rivâ a Tulmin, po passâ a flanc di Zatolmin fin ae malghe Polog e cjaminâ ancjemò par uns 30 minûts.
________________________________________________________
CU LA VINJETA FIN AL 2016
Informazions utilis pai “turiscj a motôr”
Il sisteme di paiament pes autostradis cu lis cussì clamadis “vignetis”, in vore in Slovenie dal Lui dal 2008, al larà indevant almancul fin al 2016. Lu à fat savê il ministri dai Traspuarts Patrick Vlacˇicˇ, ricuardant che par introdusi un sisteme valit di paiament eletronic secont i chilometris corûts in machine si varà di spietâ soluzions tecnologjichis plui afidabilis. Par chest, i automobiliscj slovens e chei forescj che a àn chê di zirâ ator pe Slovenie su lis autostradis a scugnaran ancjemò pai cinc agns a vignî fermâsi tes rivenditis di pueste che si cjatin dongje l’ex confin ancje in Friûl, o ben in Slovenie tes sedis de Dars (Družba za avtoceste v Republiki Sloveniji-Societât pes autostradis te Republiche di Slovenie), de Amzs (Avto-moto zveza Slovenije-Associazion auto-moto de Slovenie, l’Aci sloven), tes ediculis, tai distributôrs di benzine e tes buteghis li che si vendin lis “vignetis”, cuistâ cuale che e serf lant daûr de sô durade di timp e tacâle sui veris des machinis, dai campers, des motos e vie indevant. Cui che al ven becât cence vinjeta (cemût che si clame par sloven) al scuen paiâ une multe che e va dai 300 ai 800 euros. I coscj des “vignetis” (sorte di bolins adesîfs, chest an colôr di rose) a son restâts chei dal 2010.
ALESSIO POTOCCO
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +