L’Invier al piert impuartance: simpri mancul fruts a frecuentin cors di schi_ Il fat che i austriacs a son dut altri che pegris al ven provât di une analisi consumistiche dal 2006. Scuasit il 20 par cent di lôr a pratichin sport ogni dì, almancul une volte par setemane si môf un cuart di dute la popolazion.
Ce sport fasino i austriacs? Par solit si pense al schi tal Invier, vie pe Istât invezit si pense al cori in montagne, al balon o ae gjinastiche. Chei che a àn visitât une cualsisei citât austriache a àn di sigûr notât che ancje i plui piçui borcs a disponin di un moderni implant di balon.
In dì di vuê ancje il sport al è deventât un mût di vivi. I austriacs a sielzin un sport par diviertîsi tant che cuintripês al moderni mont digjitalizât plen di stres e li che no si cjate mai timp avonde. Al puest di cjamps di balon plens di int si viodin gruputs di oms e feminis che a cjaminin cun bastons di pueste o che a van in biciclete.
Se la gjenerazion dai nonos si diviertive cuntune partide di balon o cun esercizis di gjinastiche, vuê l’austriac si svee cun cualchi esercizi di yoga o pilates e al tache la zornade cuntun pâr di chilometris di jogging. Finît il turni di vore, si fâs une visite a un centri fitness; cuant che e rive la fin de setemane, però, si sta framieç dal vert cu la biciclete o si va a zuiâ sul cjamp di golf. Propit la popolaritât dal golf e cres a svelt: in gracie di presits moderâts, chest sport al è deventât za sport che ognidun al pues praticâ.
I austriacs a corin e a corin…_ Il 10,4 par cent dai austriacs e des austriachis a son passionâts de marcje nordiche, cjaminant in grups cun doi bachets di pueste. Salacor propit il fat che si doprin bachets tant che tal schi al jude a incressi la popolaritât che cheste forme di moviment e gjolt za te Austrie schiistiche, soredut tra lis feminis e tra chei plui indevant cui agns. Siben che chest sport rivât de Finlandie tai ultins agns al vedi vût pardabon un grant sucès, ancjemò un cuart dai austriacs al è restât fedêl al jogging.
Schiâ in Austrie_ Il schi al fâs part de Austrie tant che la musiche di Mozart. Ancje se l’Invier austriac tai ultins agns nol à podût simpri garantî in dutis lis regjons la rivade de nêf, scuasit il 20 par cent dai austriacs al è restât fedêl a chest sport. Cheste ativitât e je tes mans dal ses masculin: il 22 par cent dai oms e il 16 par cent des feminis a tornin ogni Invier su lis pistis. Par chel che al rivuarde la etât, a paronin chei jenfri i 14 e i 49 agns.
Secont diviers ricercjadôrs di mudaments sociologjics tant che Andreas Reiter dal ZTB Zukunftsbüro ufici futûr (www.ztb-zukunft.com), i schiadôrs tes Alps a laran une vore almancul dentri di dîs o cuindis agns. Cun di fat, di un pont di viste sociâl l’Invier al è daûr a pierdi impuartance: simpri mancul fruts a frecuentin cors di schi, pa la cuâl za dentri di cualchi an a mancjaran lis gnovis jevis. Tal cors dai agns Otante dal secul passât, ogni an 250 mis fruts a imparavin a schiâ cu la scuele: in zornade di vuê a ’nd è dome cirche 150 mil.
Cun di plui, di ca a vincj o trente agns la stagjon plui frede e riscje di lâ incuintri a diviers problemis: cul mudament dal clime e spesis plui altis pal inevament i presits a laran sù. Lis previsions dal dì di vuê a metin in cont une pussibile cressite de temperadure su lis Alps dentri il 2050 adiriture fin a cuatri grâts.
La organizazion dal sport in Austrie_ Come che si è capît, in Austrie il fâ sport al à une prioritât alte. In ciertis citâts plui de metât dai residents a son atîfs in associazions sportivis. Trê federazions come la Askö, la Sportunion e l’ASVÖ a costituissin la fonde dal sport austriac.
Lis primis dôs a son stadis impastanâdis daûr di une ideologjie di base. La fondazion de Askö (www.askoe.or.at) e nas tal Votcent: tal 1892 la associazion educative dai lavoradôrs e fasè nassi la prime sezion di gjinastiche.
La Union di Gjinastiche e Sport (www.sportunion.at) e je stade fondade tal 1945 subit dopo la istituzion de seconde Republiche, e e je basade sul fondament spirituâl de associazion nazionâl cristiane todescje di gjinastiche. La definizion ideologjiche des dôs sociis nomenadis e puarte tal 1949 ae fondazion de Federazion gjenerâl sportive ASVÖ (www.asvoe.at) che no à nissun impegn ideologjic.
In palestre ancje chei cun plui di 50 agns
Simpri plui personis a visitin lis palestris: impen che la crisi economiche e puarte a un câl de economie dal cuatri par cent, in dì di vuê 430 mil di lôr a frecuentin un fitness center. In dut a son 700 impresis che a àn a ce fâ cul fitness tal sens plui ampli, di chestis 434 a son palestris classichis. Pal cont de etât, i plui atîfs a restin i membris dal grup 35-55, ma un cuart dal totâl al è rapresentât dal grup dai «over 50»: tai ultins agns si è vude une cressite soredut jenfri lis feminis e lis personis che a àn passât i 50.
JANEZ ERAT
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +