Aromai i timps a son madûrs par Midune di Livence (Tv) par scomençâ a tirâ dongje i risultâts dal lavôr fat dilunc di un an.
Marica Fantuz, presidente dal comitât pal mudament di regjon, nus conte alc in curt e nus lasse un messaç che al riclame i siei paisans par sielzi un doman “par furlan”.
Cualis sono lis motivazions che us an sburtât a domandâ il mudament di regjon?
Poiant la mê atenzion sul câs dai comuns che a vuelin mudâ regjon mi sei inacuarte che ancje Midune al à une vore di motivazions par podêlu fâ. I leams cui paîs confinants de provincie di Pordenon a son profonts e a poin suntune storie in comun (Midune e je stade par secui un baluart dai patriarcjis). A nivel eclesiastic, la storie nus à viodûts sot lis diocesis furlanis e une part dal teritori (Muris) al fâs ancjemò part de parochie di Dazzanel.
Resons storichis ma ancje gjeografichis. No esistin confins naturâi che nus dividin dal Friûl, stant che o sin a çampe de Livence.
Di leam une vore strent a son ancje i problemis di caratar social, economic, ambientâl, logjistics, de viabilitât, de situazion idriche, dal disvilup sostignibil e des areis di produzion che fasint part dal Friûl a podaressin vê une prospetive plui solide a nivel distretuâl. In zonte, o met ancje la gole di vê plui servizis, che di bande furlane a son cetant plui di comut par citadins e fameis.
Cemût àno cjapât la vuestre iniziative i ambients de politiche?
De bande furlane si son ducj complimentâts e dâts une vore di fâ (… ognidun te so competence) par dânus conseis e sugjeriments. O vin vût une piçule vierzidure dal centri çampe e de Leghe Nord. Atualmentri o sin in spiete di un incuintri cun Tondo.
De bande venite invezit o vin vût ostruzionisim e atacs di caratar politic e personâl, che però no nus interessin. Chel che al conte e je la volontât de citadinance che a à il dirit di sielzi democratichementri e a norme di leç chel che e vûl.
Cun cualis iniziativis vêso puartât lis vuestris reson tes cjasis di Midune?
Par dut il mês di Novembar o fasarìn seradis di informazion pes cjasis, volantinaç e o varìn un “gazebo” inte stesse place dulà che il 16 di Novembar o fasarìn une grande fieste cun chi altris comitâts (Lamon, Sapade, Cortine e v.i..) che o viodin dispès e che nus judin une vore a lâ indevant.
Ce aie voie di dî ai siei paisans in viste dal referendum?
O stin fasint dut in maniere ative, lant daûr des regulis e de costituzion, parcè che cheste e je une grande oportunitât par Midune. Chei che si cjatin tal just a àn il dirit e il dovê di lâ fin da pît.
Ai 30 di Novembar e al prin di Dicembar votait Sì par sielzi liberementri il vuestri avignî e chel dai vuestris fîs.
Alex Olivetto
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Walter Tomada
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
Ricorence / Pier Pauli Pasolini om contraditori e segnâl di contradizion
Pre Toni Beline
Tal centenari de muart di Pier Pauli Pasolini o ripuartìn a tocs la tierce part dal libri scrit di Antoni Beline tal 1993 ‘Trilogjie tormentade’, che e rivuarde propit il poete di Cjasarse I. RISPIETÂ IL MISTERI DAL OMLa sience plui dificile e je la cognossince di se stes. E se al è grivi cognossi […] lei di plui +
Int di Cjargne / La sporte de spese a km zero a ‘La Polse’ di Chiara e Matteo
Marta Vezzi
Di cualchi dì al è stât screât un gnûf servizi intal spaç e ristorant di Chiara e Matteo “La Polse di Cougnes” a Zui, indulà che si pues cumò cjatâ e comprâ prodots locâi. “La idee e je nassude pal fat che za nô intal ristorant o doprìn avonde materiis primis dal teritori – e […] lei di plui +
Il numar in edicule / Jugn 2022
Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +