E va indevant la rubriche di Franco Juri, screade sul numar di Març dal nestri gjornâl.
Il nestri gnûf colaboradôr al è nassût a Cjaudistrie (Koper) in Slovenie/Jugoslavie intal 1956 di pari furlan e mari cravuate. Gjornalist e vignetist satiric, diplomatic, ex parlamentâr sloven, al colabore cun testadis slovenis e talianis. Intai Agns ’80 e ’90 si è interessât di dirits umans e al è stât deputât intal prin Parlament di Lubiane elet in maniere democratiche. Dopo la indipendence de Slovenie, intai guviers di Janez Drnovšek, al à vût incarghis impuartantis inte diplomazie dal so Paîs: ambassadôr in Spagne e a Cuba, e segretari di Stât ai Afârs forescj. (par savê di plui su Franco Juri, lait a lei La Patrie dal Friûl, n. 7 dal Lui dal 2011) https://www.lapatriedalfriul.org/?p=7146
***
Fin cualchi an fa, la Slovenie e vignive piturade come situazion esemplâr, di sucès, esibide tant che une rose te asule di une Europe che e cjale, di mari amorevule, viers i Balcans. L’incjantament cumò si sfante; la crisi politiche risultade di chê economiche e des sieltis ‘Merkelianis’ – fatis sedi dal guvier di centridiestre, vuidât di Janez Janša che, in tiermins plui lizêrs, dal guvier precedent di centriçampe di Borut Pahor – e cjape conotâts par tancj aspiets preocupants ma che in fonts e riflet dal dut, intun spazi piçul e intun senari incestuôs dal pont di viste politic, i obietîfs de ‘rivoluzion’ conservadore e neoliberiste in cors te Union Europeane.
In tiermins di parametris economics e sociâi, la Slovenie no je la Grecie. Intai ultins vincj agns no je stade nancje part di chê ‘gnove Europe’ ex sovietiche che par fâ i conts cul passât comunist e veve optât par modei economics capitaliscj in maniere brutâl, e cence nissun dûl pal stât sociâl e pe tutele dai dirits sindacâi, piturâts tant che un scoi pericolôs pal disvilup e pe prosperitât. La Slovenie e veve mantignût invezit la vuardie alte, introdusint lis regulis di marcjât in maniere graduâl, cence aplicâ modei masse liberiscj e mantignint un nivel invidiabil di benstâ sociâl, che tancj a àn judicât ‘scandinâf’. La privatizazion e je stade fate in tiermins seletîfs che a àn escludût lis grandis societâts statâls, lis infrastruturis, la scuele e la sanitât.
Ma se chest al à permetût il mantigniment di une struture publiche che e ten impins il stât sociâl e une cierte ecuitât pai citadins, la aplicazion di chel che al ven definît ”l’interès nazionâl” ancje inte privatizazion – e che in tiermins puars al vûl dî il mantigniment dal capitâl privât in mans slovenis – al à gjenerât ancje fenomens di clientelisim politic e finanziari, e coruzion difondude. Tantis aziendis publichis a son passadis cussì intes mans di managers nazionâls cence scrupui, ex diretôrs di impresis publichis leâts a cheste o a chê opzion politiche, ma ancje politics e ex ministris, che cui credits agjevolâts e spes cence nissune garanzie ufierte des bancjis statâls, su la base des amiciziis e influencis politichis – e ancje midiant dai vantaçs di jessi insiders – a àn cuistât il grues des azions, dant il vie a speculazions deleteriis che a àn puartât spes ae ruvine o a une svendite strumentâl, a gnûfs proprietaris forescj, di impresis un timp sanis e afermadis ancje sul marcjât internazionâl. Ai voi de opinion publiche la politiche, e cun cheste la stesse democrazie parlamentâr, e je simpri plui calcolade tant che une infrastruture al servizi de coruzion e dal clientelisim. Di chest e je vignude la lavine antipolitiche dai ultins mês che e je daûr a puartâ in place miârs di slovens rabiâts..
(Al va indevant sul prossim numar).
✒ Franco Juri
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +