Intant che in Italie, complice la crisi – come che a pandin i scandais – e cale la poie ae monede uniche europeane e al è cui che tra lis fuarcis politichis al continue a fevelâ di referendum suntune eventuâl jessude de eurozone, in Slovenie a àn celebrât il decim aniversari de adozion dal euro.
La monede uniche europeane e ven doprade vuê in disenûf paîs e di plui o mancul 340 milions di citadins. La Slovenie e à rinunziât ae sô monede nazionâl, il talar, e e à scomençât, tant che decim tierç paîs (e prin tra chei deventâts membris de famee europeane tal Mai dal 2004) a doprâ l’euro cul prin di Zenâr dal 2007. Il cambi concuardât al è stât di 239,640 talars par un euro.
Ancje in Slovenie, al moment de jentrade in vore de monede uniche, i presits a son cressûts une vore. Su base anuâl, la inflazion regjistrade e je stade fintremai dal 5,6%, il massim tra i paîs che a vevin aderît ae eurozone. In maniere seguitive però, l’euro al à contribuît sedi ae stabilitât dai presits che a une riduzion dai tas di interès. Tancj economiscj slovens a son ancje dacuardi intal dî che cence la monede uniche la Slovenie e varès patît ancjemò di plui i efiets de crisi che, stant ai ultins dâts su la cressite, e somee aromai passade.
Ancje Mitja Gaspari, za ministri in diviers guviers e governadôr de Bancje di Slovenie tra il 2001 e il 2007 – duncje propit intal periodi decisîf pe jentrade de Slovenie inte Union Europeane e pe adesion ae eurozone – al è convinçût che l’euro al vedi puartât dome benefics al paîs, soredut parcè che par une economie piçule tant che chê slovene al è dal sigûr plui avantazôs fâ part di un spazi economic e finanziari plui ampli.
La monede uniche e à slargjât di fat une vore il marcjât, ridot i pericui e semplificât il cumierç cun chei altris paîs europeans. Dut chest al à favorît soredut lis esportazions, che a son stadis decisivis pe cressite economiche slovene intai ultins agns. Cun di plui, l’euro al à fat plui sempliçs e mancul onerosis ancje lis operazions cul forest dai singui citadins slovens. Al va visât che in Slovenie, in tancj za prime dai euros a jerin usâts a resonâ ancje in tiermins di marcs todescs, tant che sotlineât ancje dal president de Republiche di Slovenie Borut Pahor ae cerimonie pal decim aniversari de adozion dal euro de bande de Slovenie, promovude de Bancje centrâl europeane al principi di Fevrâr.
Il talar sloven al à fat ben il so compit intai cuindis agns di ûs de declarazion di indipendence, ma i slovens a calcolavin il valôr de monede prime in marcs e dopo in euros, duncje la adozion de monede uniche e je stade la uniche sielte logjiche, al à rimarcât il president sloven. Pahor al à vût iniment ancje cemût che, in graciis dal progjet Pricewatch de Associazion consumadôrs de Slovenie, e je stade impedide (a part intai prins mês) la jevade imotivade dai presits des marcjanziis e dai servizis. Ae cerimonie de BCE, in plui di Pahor, a àn partecipât il ministri des financis Mateja Vraničar Erman, Janez Janša che dîs agns indaûr al vuidave il guvier sloven, e i governadôrs de Bancje di Slovenie intal 2007 Mitja Gaspari e l’atuâl Boštjan Jazbec. Il president de BCE Mario Draghi al à cjapât invezit la ocasion par complimentâsi cu la Slovenie pai sucès otignûts, pe sô integrazion fuarte inte eurozone e pe poie ae monede uniche che tra i slovens e rive al 85%. L’aniversari de adesion al euro al è stât celebrât in Slovenie ancje cu la emission di une monede di 2 euros che e figure sul daûr dîs cisilis. ❚
Tjaša Gruden
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +
La tiere e la grepie / Lis âfs (ancje chês cjargnelis) a svolin ancjemò sui cjamps dal Friûl
Adriano Del Fabro
Al cres il numar dai apicultôrs e dai bôçs, cundut des tantis dificoltâts che il setôr al à vût, che al à e che al è daûr a frontâ A son stâts agns dificii, tal passât, pes âfs (Apis mellifera) e pai apicultôrs. Prime preocupâts e in difese pai atacs dal acar Varroa; dopo i […] lei di plui +
La rassegne / Avostanis 2023, un viaç a scuvierzi ce che al reste de sacralitât
A son 32 agns che i Colonos a rindin l’Istât furlan un laboratori di sperimentazion creative e di riflession cence confins. Intal curtîl dal vecjo complès colonic di Vilecjaze, “Avostanis” e je deventade une rassegne che no si pues mancjâ par capî ce che si messede inte culture contemporanie no dome di chenti: culì a […] lei di plui +
Int di Cjargne / Magjie a Cjarsovalas
Marta Vezzi
Un dai lûcs dai Pagans in Cjargne Cjarsovalas, il paisut dai Pagans, al è sore Val e Rualp, frazions dal Comun di Darte, a 1.350 metris sul nivel dal mâr. “Al è un dai lûcs indulà che o puarti di plui la int – e conte Fides Banelli, mestre in pension che a fâs ancje […] lei di plui +
L’Editoriâl / Cuant vignaraie la “adunade” dai furlans?
Walter Tomada
Tropis vitis aial il Friûl? Al sarès biel se a’ndi ves siet, come i gjats: o cetantis di plui, come i protagoniscj di tancj videozûcs che ur plasin ai nestris fantats. Magari cussì no, dut câs, un popul nol è mai bon di vivi dôs voltis: se i tocje disparî, al sarà par simpri. Se […] lei di plui +
Festival di Poesie Alpine / Autôrs di Ladinie, Grisons e Friûl a confront
Gabriele Zanello
Tal incuintri di Bressanon ancje lis vôs di Gigi Maieron, Nelvia Di Monte, Gianluca Franco, Francesco Indrigo, Luigina Lorenzini e Antonella Sbuelz Tra lis comunitâts furlane, ladine e rumance a esistin relazions identitariis e culturâls une vore antighis, che massime tai agns Setante e Otante a àn vût un moment di gnove sfloridure ancje sul […] lei di plui +