SANTS DAL MÊS. Beât Bertrant

Ai 6 di Jugn
Beât Bertrant, vescul
Bertrant, francês di riunde e di formazion, nassût a Saint Geniès dal 1334, al fo clamât a rezi la Glesie patriarcjâl di Aquilee. Vivint cun grande austeritât, si jere dedicât ae riforme de vite morâl de sô Glesie, convocant sinodis e concilis provinciâi, fondant munistîrs, favorint la culture e la art e socorint cun gjenerositât i puars. Si veve fat cussì une vore di nemîs framieç de nobiltât, che a a vevin conzurât cuintri di lui e lu vevin frontât armâts inte plane di Richinvelde, copantlu, ai 6 di Jugn dal 1350. Il so cuarp al è sepulît inte glesie metropolitane di Udin e fin dal prin moment al è stât venerât dai fedêi. Dal 1559, Clement VIII al à permetût che si celebràs la zornade dal aniversari de sô muart; Benedet XIV e po Clement XIII a àn dade la facoltât di venerâ Bertrant cul titul di beât intes diocesis di Gurize e di Udin. ❚

Test gjavât fûr dal Messâl par furlan, di agns in spiete de aprovazion di bande de CEI (Conference Episcopâl Taliane).