A son lis galetis di vene tipichis scozesis. La tradizion e vûl che a nassin tant che plat puar, dai soldâts che ses preparavin cu la vene dai cjavai e lis cusinavin tai scûts. Par chest pal solit a àn la forme di un cuart o un sest di cercli.
Ingredients: farine di vene, 250 grams; aghe, 150 grams; spongje, 20 grams; sâl, un piç; levan chimic, une ponte di sedon. Cjatâ la farine di vene al è avonde dificil: si pues vê un risultât une vore bon doprant i flocs di vene di chei di fa gulizion, sielzint di chei plui picinins. Par vê une variante vegane al baste meti vueli di gjirasol tal puest de spongje.
SI FASIN CUSSÌ
Scjaldâ la aghe, e butâle su la vene, la spongje e il sâl formant un impast. Zontâ il levan chimic e lâ indevant a impastâ. Formâ une bale e involuçâle te pelicule e lassâle polsâ almancul une ore. Tirâ la paste fine uns 2 mm e taiâ cerclis di uns 20 cm di diametri, metiju suntune plache di for e taiâju in crôs o in 6. Cuei in for a 150°C par 30 minûts. I oatcakes àn di restâ suts e crocants, ma no àn di cjapâ tant colôr, se di no al è facil che a vedin une ponte di amarotic. Chestis galetis a son buinis di stuzigâ ancje bessolis, perfetis par compagnâ cun formadi o par fâ tartinis, magari cun salmon scozês. ❚
Sandri Carrozzo
Gnovis vielis par la Istât / Netiti la lenghe
Vielm
Us tornin a proponi une rubricute di Vielm par rinfrescasi il cjâf su la lenghe. lei di plui +
Gnovis par la Istât / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +