Al tire un brut aiar par lis minorancis in Europe. E somee tornade fuarte chê concezion stataliste che e viôt tes autonomiis dome pericui e nemiis. Si scomence cui catalans e si finìs cui sudtirolês. In Spagne il statût di autonomie al ven ridusût tai soi articui plui significatîfs, chei che a tocjin il concet di nazion e la lenghe; in Italie, par no jessi di mancul, il ministeri al sberle, al fâs viodi i muscui cuintri i cartei dome par todesc pai trois di mont.
Cualchidun al podarès ancje pensâ: «Ce isal di gnûf?». Alc di sigûr, parcè che no si trate di lâ cuintri i furlans, i sarts, i ocitans, in sumis chei popui plui debii dal pont di viste istituzionâl, di fuarce e rapresentance politiche, ma di movisi cuintri i «zigants» da lis minorancis. Catalogne e vûl dî guvier, bancjis, television, balon, une cussience identitarie di masse: al vûl dî stiçâ l’elefant, no la moscje. E i todescs? Volkspartei e tratâts internazionâi daûr de puarte. E invezit al è sucedût, cuasi a provâ lis resistencis, lis fuarcis dal mont autonomistic.
Un risultât al è za di cumò: e cjape fuarce, e slargje il so consens la tesi de indipendence. Ancje organizazions simpri moderadis come il Ciemen, che in Friûl o cognossìn pe presince impuartante dal so president Aureli Argemì, e à sfilât, te grande manifestazion di Barcelone, daûr di un cartel che al diseve: «Som una naciò, decidim la indipendencia».
Su chel uficiâl al jere scrit: «Som una naciò, nosaltres decidim». Mighe bagjigjis!
Cemût nus tocje dut chest? Di dongje, no dome tal sens di solidarietât, parcè che cui saial ce che nus tocjarà, viodude la nestre dimension, ma soredut la mancjance di une fuarce politiche furlane.
Si cjatìn di front di un moment dificil par il nestri doman di popul. In tancj a pensin a une soluzion individuâl dai problemis, in linie cun il pinsîr dominant, altris a sperin che il Stât talian, su la vie di Damasco, al puarti a compiment la Costituzion e i articui sui dirits des minorancis. In chel sens e va interpretade la clamade dal Comitât pe autonomie dal Friûl al president Napolitano te sô visite a Udin.
Un ategjament che nol è plasût a plui di cualchidun: «Il furlan cu la barete in man che al domande la caritât» il lôr coment.
Jo o pensi dome a une robe. Lis posizions a puedin jessi diviersis, e ancje lis sieltis di azion, ma o crôt che di front dal stât, ma soredut de sô teorie di paronance sul Friûl, si scuen jessi sclets: vuê il cartelon al è «O sin une nazion, decidìn noaltris».
No je une invenzion, no je une provocazion.
Lu diseve pre Toni Beline e tancj prime di lui.
E je dome la sielte coerente di no lassâ che lis peraulis a sedin dome rosis intun biel zardin, parcè che dopo un pôc ancje i plui biei si disflorissin.
Dree Valcic
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +