Un titul pasolinian pai gnûfs incuintris di In File, organizâts de associazion Colonos che si fasaran ancje chest Invier te vecje stale coloniche di Vilecjaze: “Paîs di maseriis e di pestelacs” sul cuarantesim aniversari dal taramot.
Cinc incuintris, tra chescj une visite vuidade al borc medievâl di Vençon (ai 14 di Fevrâr, us e conseìn di cûr), li che al vignarà fûr un fat straordenari: pe prime volte (e ultime) te storie centralistiche de Republiche taliane, il Stât al veve decentrât risorsis e podês ae Regjon e cheste ai Comuns, cjapâts dentri ancje lôr de responsabilitât di sieltis impuartantis e dificilis. Chel che al è stât clamât Modello Friuli, vuê aromai sdrumât.
Si son za davuelts i incuintris cu lis riflessions di bons. Duilio Corgnali e Laura Nicoloso, di Angelo Floramo cun Paolo Maurensig e “Un model furlan di ricostruzion” cun Franceschino Barazzutti, Lorenzo Cozianin e Roberto Dominici. Ma il program nol è finît: al è publicât sul sît www.colonos.it.
Il percors al è completât de serade di premiazion dai vincidôrs dal concors leterari In trê riis e de mostre di Stefano Tubaro, artist di prin plan tal panorame creatîf regjonâl.
Intant des seradis In File si podarà amirâ la instalazion artistiche di Chris Gilmour San Michêl, simbul de vitorie sul mâl. La partecipazion e je vierte pai socis, cuote pal 2016 20 euros. ❚
✒ Redazion
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +