Sfuei Mensîl Furlan Indipendent
Archivi de Patrie

Grop amîs di pre Toni. Program dai events pal 2023

Pre Antoni Beline

1) Vinars ai 21 di Avrîl a lis 20.30, inte Sale Riunions di Vile Zamparo a Basilian,
presentazion de gnove edizion dal libri di pre Toni “Fantasticant”.
Relatôr: Roberto Iacovissi.
In colaborazion cun Glesie Furlane.
2) Sabide ai 22 di Avrîl, a lis 3 e mieze dopomisdì, in vie Friuli a Visepente,
“5e Cjaminade libare – Pai trois di pre Toni”.
Lis leturis e lis cjantis a saran sielzudis tal Lunari di pre Toni di chest an.
La cjaminade e sarà pe strade di Vilecjaze, e durarà une ore o pôc di plui.
Finide la cjaminade, ghiringhel intal curtîl de Canoniche.
3) Domenie ai 23 di Avrîl: XVI aniversari de muart di pre Toni.
A lis 10.30 si cjatarìn a saludâ pre Toni tal cimitieri di Visepente.
A lis 11.15 Messe par pre Toni inte glesie di Visepente.
4) Vinars ai 19 di Mai, inte Sale dal Consei dal Comun di Basilian,
“5e Cunvigne pre Toni al vîf” cun teme “Pre Toni e la politiche”.
Relatôrs Federico Rossi e Claudio Violino, moderadôr Gotart Mitri.
In colaborazion cun: Comun di Basilian, Glesie Furlane, Colonos, La Grame.
5) Ai 28 di Lui, li de Cantine Ferrin, Casali Maione 8, a Cjamin di Codroip,
presentazion di “Olmis 8”: La racuelte des “Olmis” di pre Toni mai publicadis.
Relatôr Matteo Venier.
In colaborazion cun Glesie Furlane.
6) Ai 4 di Novembar, a lis 4 dopomisdì, inte glesie di Visepente,
o darìn une man a Alida Pevere e Cristian Liberale te presentazion dal Lunari di pre Toni pal 2024.
• Pe metât di Avrîl, a Vençon, Glesie Furlane, Parochie di Sant Andree Apuestul e Pro Loco a stan viodint par inmaneâ la Mostre fotografiche di Paolo Yussef “10 Tavole”, che e bute un voli su ce che al reste de ereditât che pre Toni nus à lassât.
• A Basilian, intant de rassegne “Rifrazioni”, inmaneade dal Comun di Basilian, e sarà presentade la ristampe des “Flabis di Esopo” voltadis par furlan di pre Toni. ❚

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +

L’EDITORIÂL / Parons vecjos e gnûfs de informazion

A i 24 di Mai dal 1946, juste trê mês dopo che pre Bepo Marchet e Felix Marchi a vevin fondade “La Patrie dal Friûl”, un grup di industriâi triestins al à screât a Udin un gjornâl cuotidian clamantlu “Messaggero Veneto”. In chê volte Carlo Tigoli, il diretôr, e ducj chei che lu àn finanziât, […] lei di plui +