FURLANS, DIGJITAIT FURLAN – E-MARILENGHE. mitrigotart.it

Il sît personâl dal prof. Gotart Mitri
Chest mês us invidìn a dâi une sgarfade al sît personâl dal prof. Gotart Mitri, ae direzion www.mitrigotart.it.
Za president dal Istitût ladin furlan “Pre Checo Placerean”, insegnant di lenghis e studiôs di lenghe furlane, autôr di une lungje schirie di publicazions e articui su la stampe e su lis rivistis de Societât Filologjiche Furlane, dulà che al à vût stât Conseîr Gjenerâl.
O vin une sezion personâl, cun informazions su lis origjins dal cognon e une pocje di storie di famee, adun cun cualchi informazion storiche e culturâl sul paîs di Rivis dal Tiliment, il paîs dulà che al è nassût. Daspò dutis lis sôs voris si puedin cjatâ listadis tes pagjinis dal sît, cui articui di clicâ e di lei. Di segnalâ la sô opare “MANDI” il prin cors di furlan in trê versions: par students di marilenghe taliane, inglese e spagnule. Te sezion “Lenghis” o vin estrats dai siei cors, piçui vocabolaris setoriâls, une presentazion de leteradure furlane e v.i..
Il sît al è artesanâl, la grafiche e à savôr di “dismenteât” e cualchi pagjine propri no funzione, ma al è miôr no fâi piedi timp al prof. Mitri cun chestis fufignis di smaneton e ringraziâlu une vore par insiorâ la rêt cui siei studis a disposizion gratuite di ducj.
Michele Calligaris