CULTURE – Lis Cassis di espansion sono di fâ SI o NO? BO!

Da lis “cassis di espansion sul Tiliment” o vin bielzà scrit plui voltis e, in ocasion de manifestazion fate a Rome li che e an partecipât une vore di asociazions e citadins contraris a la realizzazion di cheste opare, o vevin intervistât Renzo Botolussi (president de asociazion ambientaliste A.C.Q.U.A.) che nus veve fât il pont de situazion.
Daspo passe doi agns no le stât fat nissun pas in denant, a no e stade cjapade nissune decision definitive e, anzit, notizie jessude in chescj dîs tai gjornâi, la Regjon a volares fâ nomenâ dal guvier Talian un comissari straordenâri cun podês plens che al vedi il compit di realizâ lis operis di difese idrogjeologjiche dilunc il Tiliment.
Cheste volontât di passâ la bele di une altre bande, a rive doi mês daspò che l’assessôr De Anna al a declarât tai gjornâi che sal fos par lui lis cassis no saressin di fâ.
Comi che nus fas notâ Renzo Bortolussi (intervistât in merit a cheste involuzion de situazion), la soluzion dal commissariament e je improponibil e “Pilateche”, parcè che a son stâts fâts dai ricors (un di A.C.Q.U.A., un dai 5 cumuns contrâris, un dal WWF unificâts) al tribunâl superiôr des aghis publichis – ricors fondât su la no aplicazion integrâl, dal DPCM 28-8-2000, in cuant improponibil –, che al reste ancjemò cence esit e cun di plui la situazion dal flum e je tignude sot control ancje de Comunitât Europeane.
Tignint cont dal fât che la aministrazion in carghe e a vût un grum di consens ancje par vie de so posizion sul teme des cassis, la soluzion dal comissariament a sune un pôc comi un autogol.
Sandri Olivetto