Sfuei Mensîl Furlan Indipendent
Archivi de Patrie

CULTURE – Al torne Contile Juste

............

E je tornade a tacâ la trasmission in lenghe furlane realizade de Provincie di Udin. L’apontament, trê voltis par setemane, nol sarà plui dome su Telefriuli, ma dai 2 di Setembar al è in onde ancje su Telepordenone e sui sîts des Provinciis di Udin e Pordenon. Novitât ancje par chel che al rivuarde i contignûts in gracie dal apuart de Provincie dal Friûl Ocidentâl. Il «notiziari» al sarà realizât cul sostegn finanziari regjonâl ae «Comunitât des Provinciis furlanis», Associazion che e met adun lis dôs Provinciis.
Inmaneât dal Ufici stampe di Palaç Belgrât, cul contribût dai coleghis di Pordenon, «Contile juste» al propon notiziis, servizis e aprofondiments su la realtât de nestre Patrie. L’apontament al è il lunis, il miercus e il vinars jenfri lis 18.30 e lis 19.00 su Telepordenone (cun repliche la matine dal dì dopo) e simpri intai stes dîs aes 19.45 su Telefriuli che al ripropon in repliche la trasmission il martars, la joibe e il sabide aes 12.30.  (REDAZION)

L'editoriâl / Macroregjons, une oportunitât di racuei

Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +

Il numar in edicule / Jugn 2022

Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +