Cuarantene, timp di passion(s)

O vin finît Avrîl, ancjemò in confinament. Dut câs forsit no je cussi mâl la situazion. O viôt plen di int atôr di me che si impegne in mûts diferents: cui cal fâs sport, cui cal impare une gnove lenghe, cui cal lei libris dismenteâts di une vore di timp.
Ma tancj a an cjatât altris passetimps: o ai une amie, par esempli, che a cjapât di gnûf in man il lavôr di gugje di cuant che veve vot ains par finîlu! E ancjemò, altris personaçs che a cjatin une cualsiasi robe par tignîsi ocupâts, come tâl câs di un cal à scomençât a gjavâ dutis les semencis des freulis, une par une.
◆ Insome, cheste cuarantene nus sta fasint scuvierzi che o sin origjinâi, a voltis (e ancje un pôc stupits, salacor, ma no mi surprint masse par chest).
◆ E alore parce no cjatâ cualchi robe simpatiche di fâ ancje nô? Se no lu vês za fat e sarès une buine robe fâ dal volontariât: si à simpri bisugne di int par judâ, in tancj cjamps, e al è ancje un bon mût di imparâ robis gnovis, che o sedin zovins o vecjos.
◆ Par chestis ultimis setemanis di confinament faseit une liste di ce che o volês fâ e faseitlu! Nissune scuse, tant o sin ducj confinâts e no son scusis par fâ di mancul di fâ ce che o volìn!
◆ E po, si scuen pensâ che al coventarà che di chest periodi nus restin bogns ricuarts, ancje se par cumò nus somee lunc e noiôs. Ma al è impuartant pensâ positîf se no il confinament nus somearà ancjemò plui infinît. E cuant che o tornarìn ae normalitât, viodìn di no.  ❚