AUSTRIE. La fieste dal papà: la economie si profite simpri di plui

La Fieste dal papà e ven celebrade pal mont in zornadis divieris: in Austrie al cole simpri su la seconde domenie di Jugn. La celebrazion si distache ancjemò vuê in mût significatîf in rispiet ae fieste de mame cussì i contribûts dai paris ae lôr fameis a vegnin percepît mancul impuartants.  Tai ultins agns però la economie si profite simpri di plui tal 2009 lis venditis a àn otignût i € 108 milions za il 2/3 des venditis de fieste de mame (2009: € 156 milions).
Une indagjin dal 2010 condusude de Cjamare di Cumierç di Viene e à mostrade un risultât plasevûl. La grande maiorance de popolazion –  ven a dî in plui che l’80 parcent – a àn il lôr pari une vore a cjâr e lu rispietin. Il 70 parcent a vegnin sostignût dal lôr pari, e par doi tierçs il pari al reste un esempli pusitîf (65%).
28 parcent però a segnalin, che a àn dome pôcs o nissun contat cul pari.
Simpri di plui matrimonis a finissin cuntun divorzi . La organizazion “Paris cence dirits” (Väter ohne Rechte) e critize soredut la situazion juridiche atuâl che e nas dopo un divorzi dispès la leç e decît cuintri dai interès dai paris e simpri di plui fruts a cressin cence vê un contat regolâr cul papà. Particolarmentri la tendence dai ultins agns e mostre che simpri di plui matrimonis a finissin cuntun divorzi. Tal 1965, ancjemò al 14,4 parcent, al rive tal 1985 fin asl 30,8 parcent e tal 2007 o notìn il numar plui alt 49,5 parcent (2010). Inmò mancul resistents a son i matrimonis a Viene, dulà i divorzis a àn superât a partî dal 1999 simpri il 50 parcent, tal periodi 2004-2007 ancje il 60 parcent. ■
JANEZ ERAT