I letôrs de Patrie za ju cognossin di timp, ma cun cheste gnove jessude a podaran ancje piturâju.
Dree Venier cun Bete di Spere, dopo dai 3 volums presentâts tai ultins agns, par chest Nadâl a àn metût adun «Ciak! Si colore cun Gnognowood», editôr la Vita Cattolica, gjavât fûr dal ultin libri «Gnognowood», jessût l’an passât simpri a Novembar.
L’album si ispire ai fumuts di chê storie, ma chi lis senis a son dutis di piturâ. Dentri a son ancje zûcs sempliçs che a judin i fruts a cjapâ confidence cu la lenghe furlane. Duncje divertiment e ancje educazion tes 24 pagjinis (cost 3,90 euros) che si puedin cjatâ tes librariis.
Par chest Nadâl regale un gnognolibri e il gnognoalbum dut di piturâ! ■
Christian Romanini
