Sfuei Mensîl Furlan Indipendent
Archivi de Patrie

A Novembar «Identitât e autonomie. Dibatit sul Friûl di îr e di vuê»

............

Tal mês di Novembar si davuelzarà dute une schirie di apontaments intitulâts Identitât e autonomie. Dibatit sul Friûl di îr e di vuê. E sarà la ocasion par fevelâ di tancj dai inovâi che a son stâts vie par chest 2016. Chel di pre Checo Placerean al è dome l’ultin. O vin vierzût l’an cun chel de nestre testade, nassude 70 agns fa tal Zenâr dal 1946 cul speciâl Un sfuei fenomenâl. Vie pal an a son stâts ancje chei de muart di pre Josef Marchet, di Micjêl Gortani e de nassite di Achîl Telin. Chest par dî dome di cualchi personaç, tantis ancje lis ocasions di memoreâ fats storics o grandis publicazions dal passât.
Fra i ents e lis sociis che a partecipin ae iniziative, o ricuardìn: Consei Regjonâl Friûl-VJ, Provincie di Udin, Societât Filologjiche Furlane, Comun di Montenârs, Istitût Ladin Furlan pre Checo Placerean, Glesie Furlane, La Patrie dal Friûl, Liceu Classic Jacopo Stellini, Associazion Gli Stelliniani.
IL PROGRAM
Lunis ai 7 Novembar
Aes 11.30 a Udin, Sale Pasolini de sede de Regjon, vie Sabbadini
Conference stampe di presentazion de iniziative
Vinars ai 11 Novembar
Aes ore 16.30 a Sacîl, Sale degli affreschi di Palaç Biglia-Regazzoni, viâl Zancanaro
8 Novembar  1366: Constitutiones della Patria del Friuli
Joibe ai 17 Novembar
Aes 17.30 a Tumieç, Centri dai servizis museâi, vie della Vittoria
Presentazion de ristampe dal volum Lo spopolamento montano nella montagna friulana di Michele Gortani e Giacomo Pittoni (1938)
Vinars, ai 18 di Novembar
Aes 10.30 a Udin, li dal Liceu Stellini
«Pre Checo, il professôr e i siei arlêfs»
Aes 17.00 a Montenârs, in cimitieri
Comemorazion su la tombe di pre Checo Placerean
Aes 18.00 a Montenârs, li de Glesie di Sante Eline
Messe par furlan in memorie di pre Checo Placerean
Martars ai 22 Novembar
Aes 17.30 a Udin, Palaç Mantica, vie Manin 18
Achille Tellini, radici friulane e visione internazionale
Sabide ai 26 Novembar
A Glemone «Cumò 50 agns pre Josef Marchet e la sô ereditât ideâl»
Aes 10.00, li dal Auditorium dal Liceu Magrini
Presentazion dai progjets educatîfs dai students dedeâts a Josef Marchet
Aes 16.00 li de sale consiliare di Palazzo Boton
Presentazion de gnove edizion da Lis predicjis dal Muini par cure di Gabriele Zanello;
Presentazion dal numar speciâl de La Patrie dal Friûl dedeât a pre Josef “Bepo” Marchet e pre Francesc “Checo” Placerean
Lunis ai 28 Novembar
Aes 11.30 a Udin, Sala Pasolini de sede de Regjon Autonome Friûl-Vignesie Julie,  vie Sabbadini
Presentazion de gnove edizion de La Cuintristorie dal Friûl;
Intitolazion a Josef Marchet de sale riunions dal tierç plan de sede di Udin de Regjon
Vinars, ai 16 di Dicembar
Aes 17.30 a Udin, Palaç Belgrât, tal Salon dal Consei de Provincie
Presentazion de ristampe dal libri Une lenghe, un popul, une glesie. La nestre storie – scrits e discors di pre Checo Placerean pe Golaine di studis sul autonomisim dal Istitût Ladin Furlan. ❚
✒ Redazion

(L)Int Autonomiste / Un popul cence plui vôs in cjapitul

Dree Valcic
✽✽ Nol è par fâmi i fats di chei altris, ancje se o sai benon che ae fin in ogni câs i efiets a saran deleteris ancje pai furlans, ma o crôt di interpretâ un sintiment slargjât e un dubi gjenerâl, domandantmi parcè che a àn fat colâ Draghi. No si trate, che al sedi clâr, […] lei di plui +

L’EDITORIÂL / LA PATRIE DAL FRIÛL AL SALON DAL LIBRI DI TURIN

Walter Tomada
Dai 19 ai 23 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +