Sêstu jenfri i 18 e i 30 agns? Âstu gole di provâ une radio vere? Sâstu che la comunicazion par furlan e pues deventâ un mistîr? Alore pense, scrîf e prepare 5 minûts de tô trasmission. Si pues stracâ cussì la gnove iniziative bule de Radio Onde Furlane “Joy! Ce biele zoventût!”, che e larà in onde ai 27 e 28 di Avrîl che a vegnin. La zoventût e je biele e e partecipe, cheste volte daûr dai microfons de radio e dal vîf, par fevelâ, meti musiche, contâ storiis o condividi ideis. La miôr trasmission che e vignarà fûr dal concors e vincerà un contrat di colaborazion cun Onde Furlane. «O vin pensât a cheste sorte di talent show come une maniere origjinâl par sburtâ i zonvins a fâ musiche e comunicazion par furlan», al à dit Pauli Cantarut, president di Informazion Furlane, «l’obietîf al è chel di creâ une vôs gnove te comunicazion in marilenghe».
Testimonials di cheste operazion, i innomenâts cjantants e supporters de musiche furlane, Dj Tubet e Dek Ill Ceesa. Cjalait achì il promo: https://vimeo.com/38645756.
E par savê dut de iniziative, fracait chest link: www.ondefurlane.eu/joy. O cjatarês ancje conseis par fâ radio in marilenghe di bande di professioniscj come Pauli Cantarut, Enrico Turloni, Andrea Joime, Claudio Moretti o Giorgio Cantoni e tancj altris. ■
Natascia Gargano
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +