AUSTRIE. Il Premi leterari “Kreisky” pal romanç Agnul de dismenteance (Engel des Vergessens)

Il romanç L’agnul de dismenteance de scritore slovene carinziane Maja Haderlap al à otignût  il Premi “Bruno Kreisky” pal libri politic dal an 2011. La autore e presente la storie di une zovine slovene e dai slovens de Carinzie sot la ditature naziste. Un lavôr dulà che la autore e cîr di presentâ la situazion de minorance slovene di un pont di viste personâl.
Ma nol finìs chi il sucès de slovene carinziane: e je stade simpri jê che e à vinçût tal 2011 ancje il XXXV premi prestigjôs, “ngeborg-Bachmann”, di 25 mil euros. Istituît dopo la muart de poete austriache Ingeborg Bachmann (1926-1973), al è un dai premis leteraris plui impuartants no dome in Austrie ma in dut il teritori di lenghe todescje. Fin de sô istituzion tal 1977 al à judât chei che lu àn vinçût – come Ulrich Plenzdorf (1978), Franzobel (1995), Uwe Tellkamp (2004) e Tilman Rammstedt (2008) – a deventâ romanzîrs di grant sucès.
Cun chei sucès, Maja Haderlap (na
Graciis a jê, la storie e la situazion storiche disgredeade tor la minorance slovene in Carinzie si è trasformade inte forme leterarie che e fevele des esperiencis personâls e autobiografichis. ssude tal 1961 a Bad Eisenkappel/Železna Kapla) e je considerade la vôs liriche e leterarie plui impuartante tra i scritôrs austriacs de minorance slovene. ■
JANEZ ERAT