Il fogolâr al à simpri rapresentat il lûc sacri de famee furlane, li che si radunavin lis fameis, soredut in moments di convivialitât. E cuant che lis emigrazions a àn creât comunitâts furlanis ator pal mont, i Fogolârs Furlans a àn rapresentât un lûc insostituibil di reference par continuâ a mantignî un leam cu la tiere di origjin. In efiets i obietîfs cundividûts dai Fogolârs pal mont a son di tignî vive la lenghe, la culture e lis tradizions de int furlane, fasint cressi la solidarietât e la amicizie tra i components dal stes Fogolâr.
Ma in ete di globalizazion, i emigrants a sintin ancjemò lis lôr lidrîs ma forsit in maniere difarente, e i lôr fîs a considerin cualchi volte lis tradizions come une robe vecje, ostacul a la modernitât cul pericul di dismenteâ la culture dai vons. Spes, soredut tai grups plui zovins, si cjate un bas numar di personis che a fevelin furlan e ancje mancul che a cirin di lei o scrivi alc in marilenghe. Il Fogolâr Furlan di Rome, fondât tal 1949 al à rapresentât te capitâl vie pai agns il pont di incuintri dai tancj “emigrants” furlans, ma aromai si cognòs che lis rispuestis dai furlans a lis iniziativis a son difarentis: di une bande un grup entusiast che al realize ativitâts, ma che si lamente di pocje adesion di altris furlans, cun dut che chest ultin grup al declari di tignî al so “jessi furlan”. Cualchi considerazion gjeneral e pues jessi fate, cence considerâ situazions particolârs: in primis, lis iniziativis intune grande citât come Rome a son propit tantis, si riscje di no rivâ a stâ daûr di dut chel che si volarès fâ; cualchi iniziative dal Fogolâr, ancje se meritevulis a risultin un pôc “rusinis”, par deficit di marketing (organizazion e publicitât); spes, si bandone lis nestris lidrîs, par cori daûr a chel che al va di mode (plui elegant studiâ lis tradizions des popolazions andinis che lis nestris origjins…), e intun mont globalizât gnûfs amîs di altris proveniencis a diluissin la nestre culture. Tignût cont di dut chest, tal mês di Mai al è stât realizât il prin incuintri nazionâl dai Fogolârs talians, cul fin di rinfuarcî i leams tra i diviers fogolârs e par ricualificâ lis ativitâts di ducj, fasintsi judâ des pussibilitâts tecnologjichis di vuê. Insome, cjalâ indenant, cun rispiet de tradizion. Ducj a àn ribadît il lôr impegn a riscuvierzi il significât profont di Fogolâr, come lûc di agregazion, a jessi te lôr citât il riferiment pe difusion de culture e de lenghe furlane, soredut tra lis gnovis gjenerazions che a àn di jessi tiradis dentri intune situazion di responsabilitâts, no spetadôrs di iniziativis dai “grancj”. Riscuvierzi par esempli che daûr di tantis oparis, sientifichis, leterariis e artistichis, si plate un furlan al varès di jessi valorizât par fâ sintî braurôs ducj i furlans. Cuissà se i Fogolârs a cjaparan sù la sfide de globalizazion par realizâ une sorte di gnûf levan (par cjapâ sù un esempli biblic), mostrâ il miôr de int furlane, no dome lis pecjiis e che chest al sedi il sburt par miorâ un paîs che nus à di fâ sintî braurôs.
LA INTERVISTE - / Toni Capuozzo: «Ognidun al bale cun sô agne»
Oscar Puntel
Nus à lassâts Toni Capuozzo, il grant gjornalist. A son za ce tancj i ricuarts che si viodin ator su di lui, parcé che al jere un om ce tant stimât e amât. Al jere un amì de La Patrie dal Friûl, e al à vût scrit ancje par nô. Sì, par furlan. Parcé che […] lei di plui +
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +



