Il Partît democratic al varès di fevelâ dutis lis lenghis dal Friûl V.J., ven a stâi talian, furlan, sloven e todesc. Tant tal simbul, tant te comunicazion esterne e interne e tal materiâl prontât pe propagande.
EMENDAMENT RIMANDÂT_ Cussì cundifat al propon un emendament al Statût regjonâl che la assemblee e veve di votâ definitivementri ae fin di Novembar, ma che e à scugnût rimandâ a Dicembar par impegns dal segretari Bruno Zvech, clamât di buride a Rome propit te zornade che e jere proviodude la assemblee.
SHAURLI PRIN FIRMATARI_ Prin firmatari il segretari provinciâl di Udin, Cristiano Shaurli, l’emendament al è stât firmât di un trop di lôr, ven a stâi il senatôr Carlo Pegorer, il vice sindic di Udin Vincenzo Martines, il conseîr regjonâl Paolo Menis e chei provinciâi Francesco Martines e Arnaldo Scarabelli, il segretari dal Pd udinês Debora Serracchiani, Lorenzo Fabbro e la slovene Jole Namor. Plene poie ancje dal cjâf grup in Consei regjonâl Gianfranco Moretton.
“Il Pd – al dîs il test – par dâ atuazion al articul 1 dal Statût, al cjape sù la denominazion e il simbul bilengâl tai teritoris dulà che storichementri a son presints lis comunitâts slovene, furlane e gjermanofone. L’ûs des trê lenghis regjonâls ricognossudis – al zonte l’emendament – al pues jessi doprât te comunicazion interne e esterne, e ancje pai difarents materiâl prodots”.
UN COMPLETAMENT DOVERÔS_ Te intenzion dai firmataris, si varès di completâ il Statût che, te sô prime version, al à proviodût tal articul 50 il coordenament dai slovens tal Pd e la denominazion bilengâl tes comunitâts slovenis, ma si è “dismenteât” di chês altris lenghis. Cundut, par altri, che tal articul 1 dal Statût, chel che al rivuarde i principis di fonde dal partît, si dîs che “Il Pd-Union regjonâl dal Friûl V. J. al intint di valorizâ la specialitât regjonâl, al esalte i valôrs de inclusion, de interculturalitât e dal plurilinguisim, al avantaze la acetazion e i procès di integrazion politiche, economiche e culturâl tra i citadins de Union europeane e in particolâr cui Paîs che a stan dongje de regjon”.
L’emendament sul bilinguisim tal Pd al è stât tra chei che a son stâts presentâts par prins e, biel che la “Patrie” e sta par lâ in stampe, al pâr che nol sedi nissun berdei ae sô acetazion.
Antonella Lanfrit
GNOVIS / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +