La Sardegne e à cognossût ultimementri un sflorizâ di produzions cinematografichis in lenghe sarde, dispès di bon nivel, che a meretin un aprofondiment. No son mancjadis tai agns altris produzions su la realtât sarde: otims i documentaris di Fiorenzo Serra o il lavôr dal ‘continentâl’ Vittorio De Seta, che però a dopravin il talian o a dopleavin i atôrs sardofons. In chescj agns, regjiscj tant che Gianfranco Cabiddu o Enrico Pau, pûr ambientant lis lôr storiis in Sardegne, par solit a doprin il codiç linguistic sart dome a dadis.
IL DOI MIL DAL CINE SART_Recentementri, il ‘trend’ si è invertît e si pues tentâ di fâ une rassegne sintetiche.
Partìn di ‘Arcipelaghi’ di Giovanni Columbu dal 2001. E je la storie, in sart, di un delit cometût in Barbagia, che al cjape dentri un zovin testemoni che al paiarà un presit salât par vê viodût ce che nol veve di viodi. Lis leçs dal ‘balente’ (om che al vâl) a regolin cheste tragjedie che a finissarà intun senari di svindic e di omertât. Il stes Columbu, al è daûr a preparâ un film in sart sui vanzelis, ambientât in Sardegne, cul titul ‘Su Re’.
PROTAGONISTE LA “BALENTIA”_Piero Sanna al jes tal 2000 cul film ‘La destinazione’, che no cate il titul par talian, al è zirât dal dut in sart. Un zovin carabinîr continentâl lu mandin intune piçule stazion dal centri Sardegne, dulà che lis solitis leçs de balentia, intindude tal piês sens dal tiermin, a regolin la vite des comunitâts barbaricinis. Cuasi un scuintri di civiltât cuntun mont diviers e ostîl. Il stes Sanna al è un ex carabinîr che al à cjatât propit inte Arme un dai principâi sostenidôrs de sô opare prime. Come tal câs di Columbu, al fâs un ûs cetant slargjât di atôrs no professioniscj.
UN BERLI DI DOLÔR_‘Piccola pesca’ dal 2004, al è il titul dal film di Enrico Pizianti, ancje chest in sart, che si sposte però tal sud de Isule. Al va a contâ il malstâ e il malcontent dai pescjadôrs dal Sulcis, derobâts dai lôr teritoris e dal lôr mâr de presince di intrîc dal poligoni militâr di Capo Teulada. Culì lis esercitazions militârs dal esercit talian e no dome, a impedissin ai abitants di lavorâ e di vivi. Docu-film di otim nivel, al è un berli di dolôr e di rabie cuintri la ocupazion militâr de Sardegne. Daspò cun ‘Tutto torna’, Pitzianti al passarà ae comedie par talian, cun risultâts bogns.
IL PLUI PREMIÂT_Salvatore Mereu al jes tal 2003 cun ‘Ballo a tre passi’. Film a episodis cuasi dal dut par sart, premiât ae setemane de critiche di Vignesie. Ancje chel ca ambientât par trê cuarts te realtât interne de Isule, intune Sardegne fûr dal timp, a part l’ultin episodi ambientât intun contest urban. Une cifre che dut câs e vorès fâsi universâl, contant no dome la storie dai lûcs ma soredut dai oms. ‘Sonetaula’ al è dal 2008.
Cundut che nol sedi un luncmetraç, al merete une citazion ancje il zovin Simone Contu, par ‘Sa regula’ dal 2007, che al ambiente la sô storie tal interni ma cuntun stîl mancul ‘arcaic’ e plui fantasiôs.
Ivo Murgia
LA INTERVISTE - / Toni Capuozzo: «Ognidun al bale cun sô agne»
Oscar Puntel
Nus à lassâts Toni Capuozzo, il grant gjornalist. A son za ce tancj i ricuarts che si viodin ator su di lui, parcé che al jere un om ce tant stimât e amât. Al jere un amì de La Patrie dal Friûl, e al à vût scrit ancje par nô. Sì, par furlan. Parcé che […] lei di plui +
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +



