CENSIMENT_ Stant ae ultime valutazion dai imobii fate in Slovenie, lis abitazions a jerin in dut 778 mil: di chestis, plui de metât a àn une superficie jenfri i 41 e i 80 metris cuadrâts, mintri che cuasi mieç milion di apartaments a àn dôs o trê stanzis.
LA CRISI DAL SETÔR_ Magari cussì no, ancje in Slovenie il setôr de edilizie e dal marcjât des cjasis al sta patint une vore par vie de crisi che e sta tibiant il mont intîr. Stant a une ricercje dal Istitût nazionâl di statistiche, tignint tant che 100 il valôr di une costruzion tirade sù dome doi agns indaûr, l’an passât il so valôr al jere za lât jù a cuote 79,2. Duncje une flession cetant grivie, che si è vude ancje tal numar totâl di gnûfs apartaments: 5940 chei screâts tal 2009 a pet dai 8376 costruîts tal 2008, par une superficie totâl di 825 mil metris cuadrâts cuintri i 964 mil dal an prime. Cun di plui, par chel che al inten i apartaments, lis cifris dal 2009 a son cuasi la metât di chês dal 2007, an li che a son stâts tirâts sù passe 10 mil apartaments. Di consecuence, di un an e mieç in ca, ancje lis impresis slovenis di chest setôr e i lôr lavoradôrs si cjatin in plene dificoltât: jenfri lis aziendis che tal mês di Zenâr stât a son in debit stant che no àn versât lis impuestis di leç, 1200 (cuasi un cuart dal totâl di chês in crisi in dut il paîs) si ocupin di edilizie.
MARCJÂT VIERT_ Midiant la jentrade de Slovenie te Union europeane tal Mai dal 2004, il marcjât imobiliâr interni al è stât viert ancje ai citadins di chei altris stâts membris de Ue. In cheste suaze e scate la cussì clamade «reciprocitât» jenfri i stâts: par esempli, un furlan al pues cuistâ une cjase in Slovenie par vie che ancje un sloven al pues comprâ un stâ culì di nô. Cui che al à chê di cuistâ tal paîs nestri vicin al à di paiâ une alicuote ridote al 8,5 par cent.
PRESITS_ Dopo che jenfri la fin dal 2008 e il Setembar dal 2009 il valôr dai apartaments al è lât jù in maniere continuade, dome ae fin dal an passât i presits a son tornâts a cressi (plui 2,3 par cent) tornant cussì al nivel che si veve al inizi dal 2007. I presits però a stan lant sù plui planc a Lubiane a pet dal rest de Slovenie, li che tal ultin trimestri dal an stât a àn corût cuntun plui 4,7 par cent.
FITS_ No dome i presits des cjasis ma ancje i fits a patissin par vie de crisi: tal 2009 rispiet al an prime i fits a Lubiane a son lâts jù dal 0,6 par cent, te perifarie de capitâl invezit si è vût un mancul 13,9 par cent. Par un monolocâl a Lubiane al reste dut câs dificil paiâ mancul di 500 euros al mês; almancul 400 a coventin invezit a Koper/Capodistria/Cjaudistrie.
SÎTS DI PUESTE_ Stant ancje ai dâts che si cjatin sul sît internet www.slonep.net, une vore afidabil par cjatâ gnovis inzornadis e cifris par cui che al à chê di comprâ un imobil in Slovenie, lis cjasis plui cjaris dal paîs si cjatin a Lubiane e su la cueste adriatiche, li che si pues paiâ ancje 3.500 euros par metri cuadrât, mintri che pes vilis plui costosis si rive a tirâ fûr di sachete doi milions. Un altri imprest une vore util che si cjate vie web par cirî la cjase sumiade di un pieç al è e-prostor.gov.si: magari cussì no scrit dome in lenghe slovene, il sît curât dal ministeri pal Ambient al jude a cjatâ lis cjasis in vendite in dut il paîs. Al baste dome sielzi une des dodis regjons li che al è dividût il teritori nazionâl e po decidi ce sorte di abitazion che si vûl.
ALESSIO POTOCCO
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +
Rassegne stampe / Articul dal Messaggero Veneto dai 15-3-2024 su la presentazion dal nestri libri “Feminis Furlanis Fuartis” di Erika Adami
RedazionL'EDITORIAL / Preâ par furlan al è onôr e no pecjât
Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +
Gnovis / Acuile sportive furlane
Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +